នាល្ងាចថ្ងៃអង្គារ ៥កើត ខែពិសាខ ឆ្នាំមមី អដ្ឋស័ក ពុទ្ធសករាជ២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៦ ក្រុមសមាជិកព្រឹទ្ធសភាប្រចាំភូមិភាគទី៨ រួមមានលោកជំទាវ ឃួន ឃុនឌី អនុប្រធានក្រុម និងលោកជំទាវ ចឹកហេង សមាជិកក្រុម តំណាងឯកឧត្តមបណ្ឌិត នាង ផាត ប្រធានក្រុម បានអញ្ជើញគោរពវិញ្ញាណក្ខន្ធសពលោកជំទាវ ហង គឹមអង ដែលត្រូវជាភរិយារបស់ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី ដែលបានទទួលមរណភាព នៅថ្ងៃទី២០ ខែមេសា ឆ្នាំ២០២៦ វេលាម៉ោង០០:៥០នាទីព្រឹក ក្នុងជន្មាយុ ៧៤ឆ្នាំ ដោយរោគាពាធ នៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។
ក្នុងវេលាដោយក្តីសោកសៅនេះ លោកជំទាវ បានចូលរួមរំលែកមរណទុក្ខដ៏ក្រៀមក្រំបំផុត និងសូមសម្តែងនូវសមានទុក្ខសោកស្ដាយ អាឡោះអាល័យជាមួយ ឯកឧត្តម ម៉ន ង៉ុយ ប្រធានក្រុមប្រឹក្សាខេត្ត ព្រមទាំងក្រុមគ្រួសារ ចំពោះការបាត់បង់ លោកជំទាវ ហេង គឹមអេង គឺជាការបាត់បង់ដ៏ធំធេងនូវភរិយា ម្តាយបង្កើត ម្តាយក្មេក និងជីដូន ជាទីគោរពស្រឡាញ់ដ៏ជ្រាលជ្រៅបំផុត និងប្រកបដោយព្រហ្មវិហារធម៌ ដែលបានចិញ្ចឹមបីបាច់ថែរក្សា អប់រំ បុត្រា បុត្រី និងចៅៗ រហូតបានក្លាយជាធនធានសម្រាប់សង្គមជាតិ។
ប្រភព៖ នាយកដ្ឋានព័ត៌មាន
