នាថ្ងៃទី០៣ ដល់ថ្ងៃទី៤ ខែវិច្ឆិកា ឆ្នាំ២០២៣ នៅសាលប្រជុំពិសេសកណ្តាល វិមានព្រឹទ្ធសភា គណៈប្រតិភូអគ្គលេខាធិការដ្ឋានព្រឹទ្ធសភាដឹកនាំដោយ ឯកឧត្តម ប៊ុន វុទ្ធា អគ្គនាយកសេវាច្បាប់ និងសមូហភាពដែនដី នៃអគ្គលេខាធិកាដ្ឋានព្រឹទ្ធសភា បានអញ្ជើញចូលរួមសន្និសីទលើកទី២៥ ប្រចាំឆ្នាំ២០២៣ របស់វិទ្យាស្ថានKPI ក្រោមប្រធានបទ “ ការផ្តល់សន្ទុះថ្មីដល់លទ្ធិប្រជាធិបតេយ្យ ៖ សារៈសំខាន់នៃអំណាចទន់ និងការចូលរួមរបស់ពលរដ្ឋ ដែលប្រព្រឹត្តទៅនៅព្រះរាជាណាចក្រថៃ តាមប្រព័ន្ធនិម្មិត ដោយមានចូលរួមពីលោក ប៉ិះ ជឿន ប្រធាននាយកដ្ឋានស្រាវជ្រាវច្បាប់ លោក សំអឿន ម៉ារឌី ប្រធាននាយកដ្ឋានស្រាវជ្រាវទូទៅ  និងលោក ហេង ពុទ្ធារិទ្ធ ប្រធាននាយកដ្ឋាននីតិវិធី។
គោលបំណងនៃការចូលរួមសន្និសីទនេះ គឺដើម្បីពង្រឹងចំណងកិច្ចសហប្រតិបត្តិការល្អរវាង អគ្គលេខាធិការដ្ឋានព្រឹទ្ធសភាកម្ពុជា និងវិទ្យាស្ថាន KPI ក៏ដូចជាការទទួលបាននូវព័ត៌មាន បទពិសោធន៍ ទស្សនៈ និងគំហើញថ្មីៗ ពាក់ព័ន្ធនឹងប្រធានបទរបស់វេទិកា ជាពិសេសការលើកកម្ពស់លទ្ធិប្រជាធិបតេយ្យ ដែលបានចែករំលែកដោយវាគ្មិនអន្តរជាតិនានា។។

ប្រភព៖ នាយកដ្ឋានព័ត៌មាន