khmer eng
  • គណៈប្រតិភូអគ្គលេខាធិការព្រឹទ្ធសភា និងរដ្ឋសភា អញ្ជើញចូលរួមកិច្ចប្រជុំ សមាគមអគ្គលេខាធិការសភា (ASGP) តាមរយៈប្រព័ន្ធវីដេអូ
     
    ចែករំលែក ៖

    នារសៀលថ្ងៃទី២៦ ខែឧសភា ឆ្នាំ២០២១ នៅសាលបណ្ណាល័យព្រឹទ្ធសភា ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានដឹកនាំគណៈប្រតិភូអគ្គលេខាធិការព្រឹទ្ធសភា និងរដ្ឋសភា នៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំសមាគមអគ្គលេខាធិការសភា (ASGP) តាមរយៈប្រព័ន្ធវីដេអូ ផ្សាយចេញពីទីក្រុងហ្សឺណែវ ប្រទេសស្វីស ដែលមានអគ្គលេខាធិការ អគ្គលេខាធិការរងសភាជាសមាជិកសមាគមចូលរួមសរុបចំនួន១១០រូប។
    កិច្ចប្រជុំនេះប្រព្រឹតិ្តទៅក្រោមប្រធានបទ “តួនាទី និងការរៀបចំរបស់សភាក្នុងអំឡុងពេលនៃរោគរាតត្បាត” ដោយមានរបៀបវារៈចំនួនពីរ៖ ១-សុន្ទរកថាថ្លែងបើកកិច្ចប្រជុំដោយលោក Philippe Schwab ប្រធាន ASGP ដោយផ្តោតលើការស្វាគមន៍សមាជិកថ្មីរបស់ ASGP ការធ្វើបទបង្ហាញអំពីការបោះឆ្នោតគណៈកម្មការប្រតិបតិ្តនាពេលខាងមុខ ការធ្វើបទបង្ហាញអំពីការកែប្រែនៃបទបញ្ជារបស់ ASGP និងការងារថវិការបស់ ASGP និង២- ការធ្វើបទបង្ហាញ និងការពិភាក្សាដេញដោលដោយតំណាងអគ្គលេខាធិការដ្ឋានសភានៃប្រទេសនានារបស់ ASGP ចំនួន១៦ប្រធានបទលើទិដ្ឋភាពនានានៃប្រធានបទរួម “តួនាទី និងការរៀបចំរបស់សភាក្នុងអំឡុងពេលនៃរោគរាតត្បាត” ដូចខាងក្រោម៖
    ១-លោក Remco Nehmelman សភាប្រទេសហូឡង់ បានធ្វើបទបង្ហាញអំពី តួនាទី និងការរៀបចំរបស់សភាក្នុងអំឡុងពេលនៃរោគរាតត្បាត។
    ២-លោកស្រី Graciela Baez សភាប្រទេស Mexico បានធ្វើបទបង្ហាញអំពី ការប្រឈមការរាតត្បាតសកលនៃជំងឺកូវីដ-១៩។
    ៣-លោក Jose Pedro Montero សភាប្រទេស Uruguay បានធ្វើបទបង្ហាញអំពី ការរៀបចំរបស់ព្រឹទ្ធសភា Uruguay ចាប់តាំងពីការប្រកាសភាពអាសន្នសុខាភិបាល។
    ៤-លោកស្រី Despina Chatzivassiliou Tsovilis តំណាងក្រុមប្រឹក្សាសភាអឺរ៉ុប (PACE) បានធ្វើបង្ហាញអំពីប្រតិបតិ្តការនៃសន្និបាតសភាអន្តរជាតិ៖ បញ្ហាប្រឈមនយោបាយ រដ្ឋបាល និងឡូជីស្ទីក។
    ៥-លោក Mark L. Mendoza សភាប្រទេស Philippines បានធ្វើបទបង្ហាញអំពី ការសម្របសម្រួលលើដំណើការធ្វើច្បាប់។
    ៦-លោក Abdualla Almasri សភាប្រទេស Libya បានធ្វើបទបង្ហាញអំពី ការគ្រប់គ្រងវិបតិ្ត។
    លោក Rashed Abunajma សភាប្រទេស Bahrain បានធ្វើបទបង្ហាញអំពី ការសម្របសម្រួលលើដំណើការធ្វើច្បាប់។
    ៧-លោក Chloe Mawson សភាចក្រភពអង់គ្លេស បានធ្វើបទបង្ហាញអំពី គុណសម្បតិ្ត និងគុណវិបតិ្តនៃការដំណើការសភាជាន់ខ្ពស់បែបហាយប្រ៊ីដ (Hybrid House of Lords)។
    ៨-លោក Samora da Costa Cesar Ferreira សភាប្រទេស SAO TOME AND PRINCIE បានធ្វើបទបង្ហាញអំពីការអនុវត្តវិធានការអនាម័យ។
    ៩-លោកបណ្ឌិត Mesrak Mekonen សភាប្រទេស Ethiopia បានធ្វើបទបង្ហាញអំពីការកែសម្រួលបទប្បញ្ញតិ្តរបស់សភា ដើម្បីដោះស្រាយបញ្ហាប្រឈមនៃជំងឺរាតត្បាតសកល។
    ១០-លោកបណ្ឌិត Radshad A. Al-Rasses សភាប្រទេស Yemen បានធ្វើបទបង្ហាញអំពី តួនាទីនៃសភា Yemen នៅអំឡុងពេលនៃវិបតិ្តកូវីដ-១៩។
    ១១-លោក Abdul Muqtader Nasary សភាប្រទេស Afghanistan បានធ្វើបទបង្ហាញអំពី តួនាទី និងការរៀបចំរបស់សភា Afghanistan។
    ១២-លោកបណ្ឌិត Indra Iskandar សភាប្រទេសឥណ្ឌូនេស៊ី បានធ្វើបទបង្ហាញអំពីតួនាទី និងការរៀបចំនៃសភាជាន់ទាបឥណ្ឌូនេស៊ី ក្នុងអំឡុងពេលនៃជំងឺរាតត្បាតសកល
    ១៣-លោក Adam Niemczewski សភាប្រទេសប៉ូឡូញ បានធ្វើបទបង្ហាញអំពី ការអនុវត្តតួនាទីសមាជិកព្រឹទ្ធសភា នៃសធារណរដ្ឋប៉ូឡូញ នៅអំឡុងពេលនៃការរាតត្បាតជំងឺកូវីដ-១៩៕ ប្រភព៖ នាយកដ្ឋានស្រាវជ្រាវកិច្ចការអន្តរជាតិ


    អត្ថបទពាក់ព័ន្ធ
       អត្ថបទថ្មី
    thumbnail
     
    សមាជិកសមាជិកានៃគណៈកម្មការជំនាញទាំង១០ របស់ព្រឹទ្ធសភា អញ្ជើញចូលរួមក្នុងពិធីបើកផ្លូវការនៃកិច្ចប្រជុំប្រចាំឆ្នាំលើកទី៥ នៃក្រុមប្រឹក្សាពិគ្រោះយោបល់អាយប៉ាស្តីពីគ្រឿងញៀន
    thumbnail
     
    សារលិខិតអបអរសារទររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា គោរពជូនឯកឧត្តម Vuong Dinh Hue ប្រធានរដ្ឋសភា នៃសាធារណរដ្ឋសង្គមនិយមវៀតណាម ក្នុងឱកាសនៃការប្រារព្ធខួបអនុស្សាវរីយ៍លើកទី៥៥ នៃថ្ងៃបង្កើតទំនាក់ទំនងការទូតរវាងព្រះរាជាណាចក្រកម្ពជា ជាមួយសាធារណរដ្ឋសង្គមនិយមវៀតណាម
    thumbnail
     
    ក្រុមសមាជិកគណៈកម្មការទី៧ ព្រឹទ្ធសភា បានអញ្ជើញប្រជុំ ដើម្បីពិនិត្យ និងពិភាក្សាកែសម្រួលខ្លឹមសារឯកសារត្រៀមដំណើរចុះបំពេញបេសកកម្មនៅខេត្តព្រះសីហនុ
    thumbnail
     
    សារលិខិតជូនពររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា គោរពជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដែលសាលាដំបូងរាជធានីភ្នំពេញបានសម្រេចកែតម្រូវ ថ្ងៃ-ខែ-ឆ្នាំ កំណើតរបស់សម្តេចនាយករដ្ឋមន្ត្រី ទៅជា ថ្ងៃ-ខែ-ឆ្នាំ កំណើតពិតប្រាកដ
    thumbnail
     
    ឯកឧត្តម ម៉ាន់ ឈឿន បានអញ្ជើញចុះជួបសំណេះសំណាលជាមួយក្រុមមន្ត្រីនគរបាល និងប្រជាការពារ ដែលប្រចាំការក្នុងភូមិសាស្ត្រសង្កាត់អូរបែកក្អម ខណ្ឌសែនសុខ រាជធានីភ្នំពេញ