khmer eng
  • គណៈប្រតិភូអគ្គលេខាធិការដ្ឋានសភាកម្ពុជា បន្តចូលរួមកិច្ចប្រជុំសមាគមអគ្គលេខាធិការសភា ក្រោមប្រធានបទ “តួនាទី និងការរៀបចំរបស់សភាក្នុងអំឡុងពេលនៃរោគរាតត្បាត”
     
    ចែករំលែក ៖

    នារសៀលថ្ងៃទី២៧ ខែឧសភា ឆ្នាំ២០២១ នៅសាលបណ្ណាល័យព្រឹទ្ធសភា ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភាកម្ពុជា បានដឹកនាំគណៈប្រតិភូអគ្គលេខាធិការដ្ឋានព្រឹទ្ធសភា និងរដ្ឋសភានៃព្រះរាជាណាចក្រកម្ពុជា បន្តអញ្ជើញចូលរួមកិច្ចប្រជុំសមាគមអគ្គលេខាធិការសភា (ASGP) ក្រោមប្រធានបទ “តួនាទី និងការរៀបចំរបស់សភាក្នុងអំឡុងពេលនៃរោគរាតត្បាត” តាមរយៈប្រព័ន្ធវីដេអូ ផ្សាយចេញពីទីក្រុងហ្សឺណែវ ប្រទេសស្វីស ដែលមានអគ្គលេខាធិការ អគ្គលេខាធិការរងសភាជាសមាជិកសមាគមចូលរួមចំនួន១១០រូប។
    កិច្ចប្រជុំនេះប្រព្រឹតិ្តទៅដោយមានរបៀបវារៈចំនួន ០២គឺ៖
    ១-ការធ្វើបទបង្ហាញរបស់លោក Martin Chungong អគ្គលេខាធិការរបស់សភាពអន្តរសភា (IPU) អំពីការវិវត្តថ្មីៗ របស់ IPU។
    ២-ការធ្វើបទបង្ហាញ និងការជជែកពិភាក្សាដោយតំណាងអគ្គលេខាធិការដ្ឋានសភានៃប្រទេសនានារបស់ ASGP ចំនួន ១៥ប្រធានបទ លើទិដ្ឋភាពនានានៃប្រធានបទរួមស្តីពី “តួនាទី និងការរៀបចំរបស់សភាក្នុងអំឡុងពេលនៃរោគរាតត្បាត” រួមមាន៖
    ១) ការឆ្លើយតបរបស់រដ្ឋសភាប្រទេស Kenya ទៅនឹងការរាតត្បាតសកលនៃជំងឹកូវីដ-១៩
    ២) តួនាទី និងការរៀបចំរបស់សភាក្នុងអំឡុងរោគរាតត្បាត ដោយសភាប្រទេស Egypt
    ៣) នវានុវត្តន៍នៅក្នុងព្រឹទ្ធសភាប្រទេសអេស្ប៉ាញ៖ តើនវានុវត្តន៍គួរបន្តអនុវត្ត ក្រោយពេលបញ្ហាប្រឈមបច្ចុប្បន្នត្រូវបានលុបបំបាត់ឬទេ?
    ៤) វិធានការអនុវត្តនៅអំឡុងការរាតត្បាតជំងឺកូវីដ-១៩ និងគុណសម្បតិ្តសម្រាប់រដ្ឋសភាប្រទេស Madagascar
    ៥) ការកែសម្រួល ដើម្បីដោះស្រាយការរាតត្បាតជំងឹកូវីដ-១៩ ដោយសភាប្រទេស Suriname
    ៦) និរន្តរភាពការងារសភាក្នុងអំឡុងការរាតត្បាតជំងឺកូវីដ-១៩
    ៧) ជំហានបន្ទាប់សម្រាប់នីតិវិធីសភា ឡូជីស្ទីក និងការចូលរួម ក្រោយការរាតត្បាតជំងឹកូវីដ-១៩ ដោយសភាចក្រភពអង់គ្លេស
    ៨) តួនាទី និងការរៀបចំសភានៅអំឡុងពេលការរាតត្បាតសកលនៃជំងឺកូវីដ-១៩ ដោយសភាប្រទេសប៉ាគីស្ថាន
    ៩) ការរាតត្បាតសកលនៃជំងឺកូវីដ-១៩៖ បញ្ហាប្រឈមនៃការអនុវត្តសម័យប្រជុំបែបហាយប្រីដ និងការបោះឆ្នោតអេឡិចត្រូនិច
    ១០) នវានុវត្តន៍នៃព្រឹទ្ធសភាប្រទេសហ្វីលីពីន ក្នុងការឆ្លើយតបទៅនឹងការរាតត្បាតជំងឹកូវីដ-១៩
    ១១) ការប្រែក្លាយជាសភាឌីជីថល នៅក្នុងបរិបទជំងឺរាតត្បាតសកល៖ ហានិភ័យ និងកលានុវត្តភាព
    ១២) ការប្រើប្រាស់បច្ចេកវិទ្យាឌីជីថល ដើម្បីគាំទ្រការបំពេញមុខងារសភានៅអំឡុងពេលនៃ ជំងឺរាតត្បាតសកល ដោយសភាប្រទេសឥណ្ឌា
    ១៣) ឧបករណ៍រៀបចំសម័យប្រជុំសភាតាមប្រព័ន្ធវីដេអូ ដោយសភាប្រទេសប្រស៊ីល
    ១៤) កម្មវិធីសម្រាប់អ្នកទស្សនាសភា នៅអំឡុងពេលជំងឹរាតត្បាតសកល និងសិក្ខាសាលា សម្រាប់សិស្សសាលារៀន
    ១៥) ការកែសម្រួលនៃរដ្ឋសភាប្រទេសថៃ ជាពិសេសសភាតំណាង ក្នុងការឆ្លើយតបទៅនឹង ការរាតត្បាតជំងឹកូវីដ-១៩៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ម៉ាន់ ឈឿន បានអញ្ជើញចុះជួបផ្ទាល់ជាមួយលោកតា លោកយាយ ជនពិការ និងប្រជាពលរដ្ឋចំនួន២០គ្រួសារ នៅខណ្ឌទួលគោក រាជធានីភ្នំពេញ
    thumbnail
     
    គណៈប្រតិភូគណៈកម្មការទី៨ព្រឹទ្ធសភា អញ្ជើញជួបសំណេះសំណាលជាមួយក្រុមប្រឹក្សាសង្កាត់ អ្នកគ្រប់គ្រង និងជនចាស់ជរានៃសមាគមមនុស្សចាស់ នៅសាលាសង្កាត់សាមគ្គី
    thumbnail
     
    ឯកឧត្តម អ៊ុច បូររិទ្ធ អញ្ជើញជាអធិបតីក្នុងពីធីចុះអនុស្សរណៈនៃការយោគយល់រវាង គណៈកម្មការសិទ្ធិមនុស្ស ទទួលពាក្យបណ្ដឹង និងអង្កេតនៃព្រឹទ្ធសភា ជាមួយក្រុមមេធាវីស្ម័គ្រចិត្តសម្តេចតេជោសែន
    thumbnail
     
    គណៈប្រតិភូគណៈកម្មការទី៩ព្រឹទ្ធសភា អញ្ជើញជួបពិភាក្សាការងារជាមួយថ្នាក់ដឹកនាំក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍
    thumbnail
     
    គណៈប្រតិភូគណៈកម្មការទី៨ព្រឹទ្ធសភា អញ្ជើញឈ្វេងយល់ និងប្រមូលព័ត៌មានអំពីការផ្សព្វផ្សាយ និងការអនុវត្តច្បាប់ពាក់ព័ន្ធនឹងវិស័យជាសមត្ថកិច្ចរបស់គណៈកម្មការ នៅខេត្តស្ទឹងត្រែង