khmer eng
  • ឯកឧត្តម ឡៅ ឆន បានអញ្ជើញជួបក្រុមប្រឹក្សាឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ដើម្បីស្វែងយល់ពីការអនុវត្តការងារកន្លងមក
     
    ចែករំលែក ៖

    នៅព្រឹកថ្ងៃទី២៦ ខែសីហា ឆ្នាំ២០២១ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ បានអញ្ជើញជួបក្រុមប្រឹក្សាឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ដើម្បីស្វែងយល់ពីការអនុវត្តការងារកន្លងមក ៖ ១-ការងារផ្តល់សេវាជូនប្រជាជន ២-ការងារភូមិ-ឃុំមានសុវត្តិភាព ៣-ការងារចូលរួមការពង្រឹងការអនុវត្តវិធានការទប់ស្កាត់ការឆ្លងជំងឺកូវីដ-១៩ និង៤-ការគ្រប់គ្រងបញ្ជីឈ្មោះប្រជាពលរដ្ឋដែលគ្រប់អាយុត្រូវបោះឆ្នោត នៅឆ្នាំ២០២២ ខាងមុខនេះ។ ក្រោយពីបានស្តាប់សេចក្តីរាយការណ៍របស់លោកស្រីប្រធានឃុំរួចមក ឯកឧត្តម បានវាយតម្លៃខ្ពស់ចំពោះក្រុមប្រឹក្សាឃុំ ដែលបានខិតខំអនុវត្តការងារបានល្អ ទោះជានៅមានបញ្ហាប្រឈមខ្លះៗ ដែលឃុំត្រូវបន្តដោះស្រាយជាបន្តបន្ទាប់ តាមសភាពជាក់ស្តែង។ ពិសេសការងារចាក់វ៉ាក់សាំងជូនប្រជាពលរដ្ឋស្ទើតែគ្រប់តាមផែនការកំណត់ហើយ ត្រូវបន្តអប់រំប្រជាពលរដ្ឋឱ្យផ្លាស់ប្តូរឥរិយាបថក្នុងការរស់នៅ ដោយដោយរៀនរស់តាមគន្លងប្រក្រតីភាពថ្មី និងអនុវត្តវិធានការ ៣កុំ និង៣ការពារ របស់សម្តេចតេជោប្រមុខរាជរដ្ឋាភិបាល និងក្រសួងសុខាភិបាល។ ក្នុងឱកាសនោះឯកឧត្តម បានឧបត្ថម្ភជូននូវវត្ថុកំដរដៃដល់សមាជិកអង្គប្រជុំផងដែរ។

    ក្រោយពីប្រជុំចប់ ឯកឧត្តម បានអញ្ជើញចុះទៅពិនិត្យ និងសួរសុខទុក្ខប្រជាជនមួយគ្រួសារដែលត្រូវភ្លើងឆេះផ្ទះអស់ទាំងស្រុង ស្ថិតនៅភូមិច្រោយ ឃុំផ្អាវ ស្រុកត្រពាំងប្រាសាទ ដោយបានជួយថវិកា ចំនួន៣.០០០.០០០រៀល ដើម្បីរៀបចំសាងសង់ផ្ទះថ្មីផងដែរ។


    អត្ថបទពាក់ព័ន្ធ
       អត្ថបទថ្មី
    thumbnail
     
    លោកជំទាវ មុំ សណ្តាប់ អញ្ជើញជាអធិបតីភាពក្នុងកិច្ចប្រជុំបូកសរុបរបាយការណ៍ប្រចាំខែកក្កដា និងទិសដៅការងារខែសីហា ឆ្នាំ២០២៥ របស់អនុសាខាសមាគមនារីកម្ពុជា ដើម្បីសន្តិភាព និងអភិឌ្ឍន៍ ខណ្ឌចំការមន
    thumbnail
     
    ឯកឧត្តមបណ្ឌិត​ ម៉ុង​ ឫទ្ធី​ និងលោកជំទាវ អញ្ជេីញសំណេះសំណាលសួរ​សុខទុក្ខ​អាជ្ញាធរឃុំតានៃ ស្រុកព្រៃនប់​ ខេត្តព្រះសីហនុ
    thumbnail
     
    សម្តេចតេជោ ហ៊ុន សែន អនុញ្ញាតឱ្យមេបញ្ជាការកងទ័ពជើងគោកហ្វីលីពីន ចូលជួបសម្តែងការគួរសម
    thumbnail
     
    ឯកឧត្តម អ៊ុំ សារឹទ្ធ អញ្ជើញដឹកនាំកិច្ចប្រជុំផ្ទៃក្នុងគណៈកម្មការទី៩ ព្រឹទ្ធសភា
    thumbnail
     
    ឯកឧត្តមបណ្ឌិត គឹម ធា អញ្ជើញចូលរួមក្នុងពិធីប្រគេនទៀនព្រះវស្សា និងទេយ្យទាន ប្រគេនព្រះសង្ឃគង់ចាំព្រះវស្សា នៅវត្តក្តីកណ្តាល