khmer eng
  • ឯកឧត្តម ឡៅ ឆន បានជួបសំណេះសំណាលជាមួយ លោក លោកស្រីក្រុមប្រឹក្សាឃុំក្រសាំង លោកស្មៀនឃុំ ប្រធានប៉ុស្តិ៍នគរបាលរដ្ឋបាលឃុំ
     
    ចែករំលែក ៖

    នៅថ្ងៃព្រហស្បិ៍ ទី១១ ខែវិច្ឆិកា ឆ្នាំ២០២១ វេលាម៉ោង ១០:០០នាទី ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្តម នៅ សំ តំណាងរាស្រ្តមណ្ឌលខេត្តឧត្តរមានជ័យ អមដំណើរដោយលោកប្រធាន សមាជិកក្រុមប្រឹក្សាស្រុក និងលោកអភិបាលរងស្រុក បានជួបសំណេះសំណាលជាមួយ លោក លោកស្រីក្រុមប្រឹក្សាឃុំក្រសាំង លោកស្មៀនឃុំ ប្រធានប៉ុស្តិ៍នគរបាលរដ្ឋបាលឃុំ ដើម្បីឈ្វេងយល់ អំពីការដឹកនាំ និងការរីកចម្រើននៅក្នុងឃុំក្រសាំង ស្ថិតនៅសាលប្រជុំសាលាឃុំក្រសាំង ស្រុកចុងកាល់ ខេត្តឧត្តរមានជ័យ។ ក្រោយពីបានស្តាប់របាយការណ៍រួចមក ឯកឧត្តម បានវាយតម្លៃខ្ពស់ចពោះការខិតខំសហការការគ្នា ដើម្បីឱ្យឃុំជាមានការរីកចម្រើនយ៉ាងឆាប់រហ័ស ពិសេសបានយកចិត្តទុកដាក់ក្នុងការផ្តល់បំរើសេវាសាធារណៈ ការងារសន្តិសុខ សណ្តាប់ធ្នាប់ ការងារភូមិ ឃុំ មានសុវត្ថិភាព និងការកសាងហេដ្ឋារចនាសម្ព័ន្ធនានាផងដែរ។ ក្នុងឱកាសនោះ ឯកឧត្តម ផ្តាំផ្ញើរសុំឱ្យក្រុមប្រឹក្សាឃុំទាំងអស់បន្តធ្វើអំពើល្អ បម្រើប្រជាពលរដ្ឋ កាន់តែប្រសើរថែមទៀត។ បន្តអប់រំប្រជាពលរដ្ឋ ឱ្យអនុវត្តជាប្រចាំនូវវិធានការ ៣កុំ និ៣ ការពារ របស់សម្តេចតេជោប្រមុខរាជរដ្ឋាភិបាល និងក្រសួងសុខាភិបាល ដើម្បីរៀនរស់ជាមួយកូវីដ-១៩ តាមគន្លងប្រក្រតីភាពថ្មី។ ក្នុងឱកាសនោះ ឯកឧត្តម បានជូនរបស់កំដរដៃ ដល់អ្នកចូលរួម ចំនួន១០នាក់ ម្នាក់ៗទទួលបានថវិកា ចំនួន២០០.០០០រៀល ម៉ាស់ ០១ប្រអប់ និងអាល់កុល ០១ដបតូចផងដែរ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ប្រាក់ ចំរើន អញ្ជើញជួបសំណេះសំណាលជាមួយអាជ្ញាធរ និងក្រុមប្រឹក្សាឃុំដំណាក់អំពិល ស្រុកអង្គស្នួល ខេត្តកណ្តាល
    thumbnail
     
    ឯកឧត្តម ទេព យុទ្ធី អញ្ជើញជាអធិបតីដឹកនាំកិច្ចប្រជុំជាមួយនឹងមន្ត្រីនៃការិយាល័យជំនួយការគណៈកម្មការទី៨ព្រឹទ្ធសភា
    thumbnail
     
    សម្ដេចប្រធានព្រឹទ្ធសភា អនុញ្ញាតឱ្យនិស្សិតជ័យលាភីអាហារូបករណ៍ JDS និងសាធារណរដ្ឋឆែក ចូលជួបសម្តែងការគួរសម និងទទួលអនុសាសន៍
    thumbnail
     
    ឯកឧត្តម នាង ផាត ដឹកនាំកិច្ចប្រជុំក្រុមសមាជិកព្រឹទ្ធសភាប្រចាំភូមិភាគទី៨
    thumbnail
     
    ឯកឧត្តម អ៊ុច បូររិទ្ធ អនុប្រធានទី២ ព្រឹទ្ធសភា និងគណប្រតិភូ បានឆ្លៀតឱកាសចូលរួមកម្មវិធិជួបជុំអាហារសាមគ្គិជាមួយបងប្អូនខ្មែររស់នៅប្រទេសកាណាដា