ឯកឧត្តម ឡោក ឆាយ អញ្ជើញជាអធិបតីភាពដឹកនាំកិច្ចប្រជុំផ្ទៃក្នុងគណៈកម្មការពិនិត្យ និងពិភាក្សាលើការចូលនិវត្តន៍មុនកាលកំណត់
========
នារសៀលថ្ងៃទី២៧ ខែមករា ឆ្នាំ២០២២ គណៈកម្មការកិច្ចការពិនិត្យ និងពិភាក្សាលើការចូលនិវត្តន៍មុនកាលកំណត់នៃអគ្គលេខាធិការដ្ឋានព្រឹទ្ធសភា បានបើកកិច្ចប្រជុំផ្ទៃក្នុងគណៈកម្មការ ក្រោមអធិបតីភាព ឯកឧត្តម ឡោក ឆាយ អគ្គលេខាធិការរងព្រឹទ្ធសភា ដើម្បីពិនិត្យពិភាក្សា និងវាយតម្លៃស្ថានភាពការបាត់បង់សម្បទាវិជ្ជាជីវៈរបស់លោកស្រី គល់ សារិន ដែលបានស្នើសុំចូលនិត្តន៍មុនកាលកំណត់ និងពិនិត្យលើបញ្ហាផ្សេងៗ ព្រមទាំងការចូលរួមផ្តល់ជាមតិយោបល់របស់ឯកឧត្តម លោកជំទាវ សមាជិកអង្គប្រជុំ។
កិច្ចប្រជុំនេះប្រព្រឹត្តនៅសាលប្រជុំពិសេសខាងក្រោម វិមានព្រឹទ្ធសភា ដោយមានការអញ្ជើញចូលរួមពីឯកឧត្តម លោកជំទាវ នៃអគ្គនាយកទាំង៥ អគ្គាធិការ និងនាយកដ្ឋានគ្រប់គ្រងបុគ្គលិក នៃអគ្គនាយកដ្ឋានរដ្ឋបាល និងហិរញ្ញវត្ថុ នៃអគ្គលេខាធិការដ្ឋានព្រឹទ្ធសភា។
