លោកជំទាវ រត្ន ឆវីលក្ខណ៍ នាំយកទេយ្យទាន របស់ឯកឧត្តមអគ្គលេខាធិការព្រឹទ្ធសភា ប្រគេនព្រះសង្ឃនៅវត្តមង្គលសត្ថាវ័ន្ត(ហៅវត្តព្រែកតាគង់)
នាព្រឹកថ្ងៃទី១២ ខែមេសា ឆ្នាំ២០២២ ថ្នាក់ដឹកនាំ មន្ត្រីរាជការ នៃអគ្គាធិការដ្ឋាន និងអគ្គនាយកដ្ឋានព័ត៌មាន និងទំនាក់ទំនងសាធារណៈ ដឹកនាំដោយលោកជំទាវ រត្ន ឆវីលក្ខណ៍ អគ្គាធិការ នៃអគ្គាធិការដ្ឋាន នៃអគ្គលេខាធិការដ្ឋានព្រឹទ្ធសភា បានអញ្ជើញនាំយកទេយ្យទាន គ្រឿងឧបភោគ បរិភោគ របស់ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា ទៅប្រគេនព្រះសង្ឃគង់នៅវត្តមង្គលសត្ថាវ័ន្ត(ហៅវត្តព្រែកតាគង់) ស្ថិតក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
ទេយ្យទាន គ្រឿងឧបភោគ បរិភោគ ទាំងអស់នោះរួមមាន៖ អង្ករ ១០០គីឡូ ទឹកសុទ្ធ ១០កេស ទឹកក្រូច ១០កេស ស្ករស ០១បាវ ត្រីខ ០១កេស មី ០៥កេស និងបច្ច័យចំនួន ២,៧៨០,០០០រៀល(ពីរលាន ប្រាំពីរសែន ប្រាំបីម៉ឺនរៀល)៕
ប្រភព៖នាយកដ្ឋានព័តមាន
