នារសៀលថ្ងៃទី២៩ ខែមិថុនា ឆ្នាំ២០២២ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំពិនិត្យលើរបាយការណ៍សវនកម្មផ្ទៃក្នុងនៃអគ្គលេខាធិការដ្ឋានព្រឹទ្ធសភា ប្រចាំត្រីមាសទី១ ឆ្នាំ២០២២ នៅសាលប្រជុំពិសេសជាន់ក្រោម វិមានព្រឹទ្ធសភា ដោយមានការអញ្ជើញចូលរួមពីថ្នាក់ដឹកនាំអគ្គលេខាធិការដ្ឋានព្រឹទ្ធសភា និងមន្រ្តីជំនាញ។
របាយការណ៍សវនកម្មផ្ទៃក្នុងនេះ រៀបចំឡើងដើម្បីវាយតម្លៃ និងធ្វើឲ្យប្រសើរឡើងនូវប្រសិទ្ធភាព នៃដំណើរការគ្រប់គ្រងហានិយភ័យ ដំណើរការត្រួតពិនិត្យ និងដំណើរការអភិបាលកិច្ចក្នុងទីសវនកម្ម ដែលស្ថិតនៅក្នុងវិសាលភាពសវនកម្ម ៕

ប្រភព៖ នាយកដ្ឋានព័ត៌មាន