នាព្រឹកថ្ងៃទី២១ ខែកក្កដា ឆ្នាំ២០២២ អគ្គលេខាធិការដ្ឋានព្រឹទ្ធសភា និងសមាគមអ្នកស្រាវជ្រាវវឌ្ឍភាពកម្ពុជា-ចិន បានរៀបចំពិធីផ្សព្វផ្សាយសៀវភៅស្តីពីប្រជាធិបតេយ្យបែបផែនចិនជូនដល់ថ្នាក់ដឹកនាំ មន្ត្រីរាជការនៃអគ្គលេខាធិការដ្ឋានព្រឹទ្ធសភា និងនិស្សិតនៃសកលវិទ្យាល័យអាស៊ីអ៊ឺរ៉ុបចំនួន៤១នាក់ ក្រោមអធិបតីភាពឯកឧត្ដម លឹម ប៊ុនហុក អគ្គលេខាធិការរងព្រឹទ្ធសភា នៅសាលសិក្ខាសាលាបណ្ណាល័យព្រឹទ្ធសភា។
ពិធីផ្សព្វផ្សាយសៀវភៅនេះ ប្រព្រឹត្តទៅរយៈពេលមួយព្រឹក ដោយមានការធ្វើបទបង្ហាញដោយលោកបណ្ឌិត ជា មុន្នីឬទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន ស្តីពីប្រជាធិបតេយ្យបែបផែនចិន ក្នុងគោលបំណងដើម្បីផ្សព្វផ្សាយជូនដល់ថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានព្រឹទ្ធសភា និងនិស្សិតសកលវិទ្យាល័យអាស៊ីអ៊ឺរ៉ុប ដើម្បីបង្កើននូវចំណេះដឹងទូទៅ និងបណ្តុះទម្លាបនៃការអាន។
ឯកឧត្ដម លីម ប៊ុនហុក អគ្គលេខាធិការរងព្រឹទ្ធសភា បានទទួលទឹកថ្នាំសម្លាប់មេរោគកូវីដ-១៩ ដែលជាអំណោយរបស់សមាគមពុទ្ធសាសនិកកម្ពុជា-ចិន និងទទួលសៀវភៅជាpdf “ស្តីពីប្រជាធិបតេយ្យបែបផែនចិន” សម្រាប់ដាក់នៅបណ្ណាល័យ ដើម្បីផ្សព្វផ្សាយដល់មន្ត្រីរាជការ និងសាធារណជនក្នុងការបណ្តុះទម្លាប់នៃការអាន និងសិក្សាស្រាវជ្រាវ។
ប្រភព៖ នាយកដ្ឋានព័ត៌មាន