នារសៀលថ្ងៃទី១១ ខែតុលា ឆ្នាំ២០២២ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជាអធិបតីភាពក្នុងពិធីបិទវគ្គបណ្តុះបណ្តាលស្តីពី ការចែករំលែកបទពិសោធន៍លើការងារព័ត៌មាន និងការផ្សព្វផ្សាយនៅក្នុងបរិបទឌីជីថល នៅសាលសិក្ខាសាលាខាងជើង វិមានព្រឹទ្ធសភា។
វគ្គបណ្តុះបណ្តាលនេះ រៀបចំឡើងដើម្បីសិក្សាឈ្វេងយល់ និងចែករំលែកចំណេះដឹងអំពីគុណសម្បត្តិ និងគុណវិបត្តិនៃការវិវត្តបច្ចេកវិទ្យាទំនើបផ្នែកប្រព័ន្ធផ្សព្វផ្សាយ សម្រាប់មន្ត្រីរាជការ ចំណុះអគ្គនាយកដ្ឋានព័ត៌មាន និងទំនាក់ទំនងសាធារណៈ ក្នុងការធានាប្រសិទ្ធភាពការងារផ្នែកព័ត៌មានឱ្យកាន់តែទូលំទូលាយ មានលក្ខណៈលឿនរហ័ស និងគ្រប់គ្រុងជ្រោយ។
វគ្គបណ្តុះបណ្តាលនេះ ឧទ្ទេសនាមដោយឯកឧត្តម កែវ ចាន់ណា អគ្គនាយកនៃអគ្គនាយកដ្ឋានព័ត៌មាន និងទំនាក់ទំនងសាធារណៈ សិក្សារៀងរាល់ព្រឹក មានរយៈពេល៧ថ្ងៃ ចាប់ពីថ្ងៃទី០៣ ដល់ថ្ងៃទី១១ ខែតុលា ឆ្នាំ២០២២ មានសិក្ខាកាមជាប្រធាន-អនុប្រធានការិយាល័យ ចំណុះអគ្គនាយកដ្ឋានព័ត៌មាន និងទំនាក់ទំនងសាធារណៈ នៃអគ្គលេខាធិការដ្ឋានព្រឹទ្ធសភា ចូលរួមចំនួន៣៩នាក់។ វគ្គនេះសិក្សាផ្តោតសំខាន់លើ៖
១.ស្ថានភាពនៃយន្តការផ្សព្វផ្សាយព័ត៌មាននៅលើពិភពលោក និងកម្ពុជា។
២.យន្តការព័ត៌មាន និងផ្សព្វផ្សាយរបស់ក្រសួង ស្ថាប័ន។
៣.ស្ថានភាព និងបច្ចុប្បន្នភាពនៃការងារព័ត៌មាន និងប្រព័ន្ធផ្សព្វផ្សាយនានា។
៤-កម្រិតប្រសិទ្ធភាពយន្តការលើការផ្សព្វផ្សាយមហាជន និងសាធារណមតិ។
៥.ទំនើបកម្មយន្តលើការផ្សព្វផ្សាយមហាជន និងសាធារណមតិ។
៦.អនុសាសន៍ និងវិធីសាស្ត្រដើម្បីឈ្នះក្នុងសង្រ្គាមព័ត៌មាន៕
ប្រភព៖ នាយកដ្ឋានព័ត៌មាន
