ថ្ងៃទី៣០ ខែមករា ឆ្នាំ២០២៣ វេលាម៉ោង ០៩.០០នាទី នៅសាលប្រជុំគណៈកម្មការទី២ វិមានព្រឹទ្ធសភា ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានគណៈកម្មការទី២ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១(រាជធានីភ្នំពេញ) បានអញ្ជើញជាអធិបតីក្នុងកិច្ចប្រជុំផ្ទៃក្នុងគណៈកម្មការទី២ ព្រឹទ្ធសភា និងណែនាំមន្រ្តីនៃការិយាល័យអមក្រុមសមាជិកព្រឹទ្ធសភាប្រចាំភូមិភាគទី១ ក្រោមរបៀបវារ៖ ១-ត្រៀមចុះបេសកកម្មរបស់គណៈកម្មការក្នុងចន្លោះសម័យប្រជុំព្រឹទ្ធសភា ទៅខេត្តតាកែវ ២-ត្រៀមលក្ខណៈពិនិត្យ សិក្សា និងឱ្យយោបល់លើសេចក្តីព្រាងច្បាប់ក្នុងវិស័យជាសមត្ថកិច្ចរបស់គណៈកម្មការ និង៣-ណែនាំអំពីការងារសំខាន់ៗពាក់ព័ន្ធនឹងការរៀបចំវេទិកាក្រុមសមាជិកព្រឹទ្ធសភាប្រចាំភូមិភាគទី១ ដែលនឹងប្រព្រឹត្តទៅនាថ្ងៃទី៣១ ខែមករា ឆ្នាំ២០២៣ នេះ នៅមជ្ឈមណ្ឌល ដឹ ព្រេមៀ សេនធ័រ សែនសុខ រាជធានភ្នំពេញ។