khmer eng
  • សិក្ខាកាមវគ្គបណ្តុះបណ្តាល ITP អញ្ជើញទស្សនកិច្ចឈ្វេងយល់អំពីព្រឹទ្ធសភា
     
    ចែករំលែក ៖

    នាព្រឹកថ្ងៃទី០៥ ខែមេសា ឆ្នាំ២០២៣ សិក្ខាកាមចំនួន ០៦នាក់ រៀនវគ្គបណ្តុះបណ្តាលអន្តរជាតិ ITP (International Training Program) ស្តីពីបទប្បញ្ញត្តិគ្រប់គ្រងប្រព័ន្ធផ្សព្វផ្សាយនៅក្នុងក្របខណ្ឌប្រជាធិបតេយ្យ ក្រោមជំនួយឧបត្ថម្ភដោយស៊ីដា (SIDA) បានអញ្ជើញមកទស្សនកិច្ចសិក្សាឈ្វេងយល់អំពីព្រឹទ្ធសភា នៃព្រះរាជាណាចក្រកម្ពុជា នៅវិមានព្រឹទ្ធសភា។
    នៅក្នុងឱកាសនោះ សិក្ខាកាមបានអញ្ជើញស្តាប់បទបង្ហាញស្តីពី ការរៀបចំនិងដំណើរការប្រព្រឹត្តទៅព្រឹទ្ធសភា នៃព្រះរាជាណាចក្រកម្ពុជា ដោយឯកឧត្តម លីម ប៊ុនហុក អគ្គលេខាធិការរងព្រឹទ្ធសភា។
    បន្ទាប់ពីស្តាប់បទបង្ហាញរួច សិក្ខាកាមរៀនវគ្គបណ្តុះបណ្តាលអន្តរជាតិ បានអញ្ជើញទស្សនាសាលប្រជុំព្រឹទ្ធសភា បណ្ណាល័យព្រឹទ្ធសភា និងអគារប្រវត្តិសាស្រ្តនានានៅក្នុងបរិវេណព្រឹទ្ធសភា។
    សូមជម្រាបថា ព្រឹទ្ធសភាមានមុខងារស្នូលចំនួន ០៣ គឺមុខងារនីតិកម្ម មុខារតាមដានការអនុវត្តច្បាប់ និងមុខងារតំណាង។ ក្រៅពីនេះ ព្រឹទ្ធសភាមានមុខងារគាំទ្រចំនួន ០២ទៀត គឺមុខងារសហប្រតិបត្តិការអន្តរជាតិ និងមុខងារការអភិវឌ្ឍស្ថាប័ន។
    គួររំលឹកផងដែរថា វិមានព្រឹទ្ធសភា គឺជាអតីតវិមានរដ្ឋចំការមនដែលត្រូវបានផ្តួចផ្តើមគំនិតកសាងឡើងក្នុងទសវត្សរ៍ទី៥០ ដោយព្រះករុណាព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ។ ក្នុងពេលនោះ វិមានរដ្ឋចំការមន គឺជាទីកន្លែងសម្រាប់ទទួលបដិសណ្ឋារកិច្ចប្រមុខរដ្ឋនៃប្រទេសនានា ជាកន្លែងធ្វើការងារនិងជាព្រះរាជដំណាក់របស់ព្រះករុណាព្រះបាទសម្តេចព្រះ នរោត្តម សីហនុ ព្រះរាជដំណាក់របស់ព្រះមហាក្សត្រី នរោត្តម មុនិនាថ សីហនុ និងព្រះរាជដំណាក់របស់ព្រះរាជបុត្រី នរោត្តម បុប្ជាទេវី។
    បច្ចុប្បន្នវិមានរដ្ឋចំការមន គឺជាកន្លែងធ្វើការរបស់ស្ថាប័នកំពូលៗចំនួន ៣ស្ថាប័ន គឺព្រឹទ្ធសភា ក្រុមប្រឹក្សាធម្មនុញ្ញ និងឧត្តមក្រុមប្រឹក្សានៃអង្គចៅក្រម ដែលអាសយដ្ឋាននៅតាមបណ្តោយមហាវិថីព្រះនរោត្តម ជាប់វិមាន៧មករា (គណបក្សប្រជាជនកម្ពុជា)៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមបណ្ឌិត ធន់ វឌ្ឍនា អញ្ជើញជូនដំណើរគណៈប្រតិភូសភាក្រុមប្រឹក្សានយោបាយប្រជាជនចិនទី១៣ ធ្វើមាតុភូមិនិវត្តន៍ទៅកាន់ប្រទេសវិញ
    thumbnail
     
    នៅសាលប្រជុំគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត នៃព្រឹទ្ធសភា បានរៀបចំកិច្ចប្រជុំផ្ទៃក្នុងគណៈកម្មការដើម្បីបូកសរុបលទ្ធផលការងារប្រចាំខែមេសា ក្រោមអធិបតីភាពឯកឧត្តម ងី ច័ន្រ្ទផល ប្រធាន
    thumbnail
     
    ឯកឧត្តមអនុប្រធានទី២ព្រឹទ្ធសភា ជួបប្រជុំជាមួយគណៈកម្មការទី១០ព្រឹទ្ធសភា
    thumbnail
     
    ឯកឧត្តម ប្រាក់ សុខុន រៀបចំពិធីលៀងសាយភោជន៍ ជូនគណៈប្រតិភូសភាក្រុមប្រឹក្សានយោបាយប្រជាជនចិនទី១៣
    thumbnail
     
    ឯកឧត្តមអនុប្រធានទី១ព្រឹទ្ធសភា ទទួលជួបពិភាក្សាការងារជាមួយ ប្រធានក្រុមប្រឹក្សាសេដ្ឋកិច្ច និងសង្គម នៃសាធារណរដ្ឋប្រជាមានិតចិន