ឯកឧត្តម ម៉ម ប៊ុននាង ប្រគល់អំណោយសម្តេចប្រធានព្រឹទ្ធសភា និងលោកជំទាវ ជូនដល់ក្រសួងមហាផ្ទៃ
នារសៀលថ្ងៃទី០៥ ខែមិថុនា ឆ្នាំ២០២៣ នៅសាលសិក្ខាសាលាបណ្ណាល័យវិមានព្រឹទ្ធសភា ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា អ្នកនាំពាក្យព្រឹទ្ធសភា និងជាតំណាងសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា និងលោកជំទាវ បានអញ្ជើញប្រគល់អំណោយរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងលោកជំទាវ ជូនដល់ក្រសួងមហាផ្ទៃ តាមរយៈឯកឧត្តមឧត្តមសេនីយ៍ឯក គង់ ចាន់តារា អគ្គនាយករងនៃអគ្គនាយកដ្ឋានភស្តុភារ និងហិរញ្ញវត្ថុនៃក្រសួងមហាផ្ទៃ។
អំណោយទាំងអស់នេះ គឺទទួលបានពីមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ រួមមាន៖ ឱសថ និងបរិក្ខាពេទ្យ សម្ភារប្រើប្រាស់ប្រចាំថ្ងៃ សម្ភារក្មេងលេង និងសៀវភៅសរសេរ៕
ប្រភព៖ នាយកដ្ឋានព្រឹទ្ធសភា
