ឯកឧត្តម ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) និងលោកជំទាវ ព្រមទាំងក្រុមគ្រួសារ បានប្រារព្ធពិធីបុណ្យគម្រប់ខួប៧ថ្ងៃតាមប្រពៃណីព្រះពុទ្ធសាសនា ឧទ្ទិសមហាកុសលជូនដល់ដួងវិញ្ញាណក្ខន្ធមហាឧបាសិកា ពុទ្ធសាសនូបត្ថម្ភក៍ ឯម ជា ត្រូវជាម្តាយក្មេកឯកឧត្តម ម៉ម ប៊ុន នាង នារសៀលថ្ងៃទី១៤ ខែមិថុនា ឆ្នាំ២០២៤ នៅគេហដ្ឋានផ្ទះលេខ២២២ ផ្លូវបេតុង ភូមិភ្នាត សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
ក្នុងពិធីនេះ ក៏មានការអញ្ជើញចូលរួមជាកិត្តិយសពីសមាជិក សមាជិកាព្រឹទ្ធសភា អ្នកមុខអ្នកការ និងបងប្អូនញាតិមិត្តជិតឆ្ងាយ នៃក្រុមគ្រួសាររបស់មហាឧបាសិកា ពុទ្ធសាសនូបត្ថម្ភក៍ ឯម ជា និងមានប្រារព្ធពិធី ក្រុងពាលី និមន្តព្រះសង្ឃចម្រើនព្រះបរិត្ត និងសម្តែងព្រះធម្មវិសេសទេសនា។
ប្រភព៖ នាយកដ្ឋានព័ត៌មាន
