នារសៀលថ្ងៃពុធ ១៤កើត ខែផល្គុន ឆ្នាំរកា នព្វស័ក ព.ស ២៥៦១​ ត្រូវនឹងថ្ងៃទី២៨ ខែកុម្ភៈ ឆ្នាំ២០១៨ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងពិធីបិទសិក្ខាសាលាថ្នាក់តំបន់ស្តីពី ផលប៉ះពាល់ និងយន្តការឆ្លើយតបទៅនឹងការប្រែប្រួលអាកាសធាតុ នៅប្រទេសកម្ពុជា ឡាវ មីយ៉ាន់ម៉ា និងថៃ​​ នៅវិមានព្រឹទ្ធសភា។ សិក្ខាសាលានេះ ប្រព្រឹត្តទៅរយៈពេលពេញ ១ ថ្ងៃ ដោយមានការចូលរួមពីថ្នាក់ដឹកនាំ​មន្ត្រីរាជការនៃអគ្គលេខាធិការដ្ឋានព្រឹទ្ធសភា​-រដ្ឋសភា និងបុគ្គលិកនៃវិទ្យាស្ថានសភាកម្ពុជា សរុបចំនួន១២០នាក់ ក្រោមការសហការរៀបចំរវាង អគ្គលេខាធិការដ្ឋានព្រឹទ្ធសភា និងវិទ្យាស្ថានសភាកម្ពុជា៕