អគ្គលេខាធិការដ្ឋានព្រឹទ្ធសភាបិទវគ្គបណ្តុះបណ្តាលស្តីពីកិច្ចការសភា
=======
នារសៀលថ្ងៃទី១៥ ខែមករា ឆ្នាំ២០២១ អគ្គលេខាធិការដ្ឋានព្រឹទ្ធសភាបានរៀបចំពិធីបិទវគ្គបណ្តុះបណ្តាលស្តីពីកិច្ចការសភា ក្រោមអធិបតីភាពឯកឧត្តម ឡោក ឆាយ អគ្គលេខាធិការរងព្រឹទ្ធសភា នៅសាលសិក្ខាសាលាខាងជើងវិមានព្រឹទ្ធសភា។
វគ្គបណ្តុះបណ្តាលនេះ ប្រព្រឹត្តិទៅចាប់ពីថ្ងៃទី០២ ខែតុលា ដល់ថ្ងៃទី២៥ ខែធ្នូ ឆ្នាំ២០២០ ដោយមានសិក្ខាកាមសរុបចំនួន២៩នាក់ ជាមន្រ្តីរាជការមានតួនាទីជាអនុប្រធានការិយាល័យ មកពីគ្រប់អង្គភាពចំណុះអគ្គនាយកដ្ឋានសេវាច្បាប់ និងសមូហភាពដែនដី នៃអគ្គលេខាធិការដ្ឋានព្រឹទ្ធសភា។ វគ្គបណ្តុះបណ្តាលនេះឧទ្ទេសនាមដោយឯកឧត្តម ប៊ុន វុទ្ធា អគ្គនាយក នៃអគ្គនាយកដ្ឋានសេវាច្បាប់ និងសមូហភាពដែនដី ផ្តោតសំខាន់លើ៖ ទី១-ការរៀបចំ និងការប្រព្រឹត្តទៅនៃព្រឹទ្ធសភា ទី២-លក្ខណៈ និងកិច្ចដំណើរការនៃការបោះឆ្នោះ ទី៣-ឋានៈ បុព្វសិទ្ធិ និងអភ័យឯកសិទ្ធនៃសមាជិកព្រឹទ្ធសភា ទី៤-រចនាសម័្ពន្ធព្រឹទ្ធសភា ទី៥-តួនាទី ភារកិច្ច និងសមត្ថកិច្ចរបស់ព្រឹទ្ធសភា ទី៦-មុខងារសំខាន់ៗ របស់គណៈកម្មការនានា ទី៧-ថវិកាស្វ័យតរបស់ព្រឹទ្ធសភា ទី៨-ការប្រជុំរបស់ព្រឹទ្ធសភា ទី៩-នីតិវិធីនៃការពិនិត្យ និងឲ្យយោបល់លើសេចក្តីព្រាងច្បាប់ ឬសេចក្តីស្នើច្បាប់ និងបញ្ហាទាំងពួងរបស់ព្រឹទ្ធសភា ទី១០-ការចូលជាធរមាននៃច្បាប់ ទី១១-អំពីការទុកជាការប្រញាប់ ទី១២-អំពីការបង្វិលទៅបង្វិលមករវាងរដ្ឋសភា និងព្រឹទ្ធភា ទី១៣-ភាពខុសគ្នារវាងរដ្ឋសភា និងព្រឹទ្ធសភា
