អគ្គលេខាធិការរងព្រឹទ្ធសភានាំយកអំណោយជូនអាជ្ញាធរសង្កាត់ក្នុងខណ្ឌជ្រោយចង្វារ ទុកចែកជូនប្រជាពលរដ្ឋងាយរងគ្រោះ
=======
នាព្រឹកថ្ងៃសៅរ៍ ទី១៦ ខែមករា ឆ្នាំ២០២១ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជួបសំណេះសំណាល សួរសុខទុក្ខ និងនាំយកអំណោយរបស់អគ្គលេខាធិការដ្ឋានព្រឹទ្ធសភាទៅប្រគល់ជូនអាជ្ញាធរសង្កាត់បាក់ខែង និងសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ ដើម្បីទុកជូនអាជ្ញាធរសង្កាត់ចែកជូនប្រជាពលរដ្ឋដែលរងគ្រោះ។
អំណោយដែលយកទៅប្រគល់ជូនអាជ្ញាធរសង្កាត់ទាំងពីររួមមាន៖ ថវិកាចំនួន៦លានរៀល អង្ករចំនួន ២.០០០ គីឡូក្រាម និងមីចំនួន ២០០កេស។ ក្នុងនោះសង្កាត់នីមួយៗ ទទួលបានថវិកាចំនួន ៣លានរៀល អង្ករចំនួន ១.០០០ គីឡូក្រាម និងមីចំនួន ១០០កេស៕
