ក្រុមសមាជិកព្រឹទ្ធសភាប្រចាំភូមិភាគទី៣ (ខេត្តកណ្តាល) ដឹកនាំដោយឯកឧត្តម ម៉ម ប៊ុននាង ប្រធានក្រុម បានអញ្ជើញជួបសំណេះសំណាលជាមួយនឹងក្រុមប្រឹក្សាឃុំ សង្កាត់ ស្មៀន នាយប៉ុស្តិ៍នគរបាលរដ្ឋបាលឃុំ សង្កាត់ និងប្រធានមណ្ឌលសុខភាពឃុំ សង្កាត់ទាំងអស់ក្នុងក្រុងតាខ្មៅ ខេត្តកណ្តាល ។
ពិធីសំណេះសំណាលនេះ ធ្វើឡើងក្នុងគោលបំណងដើម្បីឈ្វេងយល់អំពីគោលនយោបាយវិមជ្ឈការ វិសហមជ្ឈការ វិធីសាស្ត្រនៃការកៀរគរប្រជាពលរដ្ឋឱ្យចូលរួមក្នុងការអភិវឌ្ឍមូលដ្ឋាន ការពង្រឹងបន្ថែមទៅលើការផ្តល់សេវាសាធារណៈ ជូនប្រជាពលរដ្ឋ និងអត្ថប្រយោជន៍នៃការប្រើប្រាស់ប្រភេទប័ណ្ណរបបសន្តិសុខសង្គម(ប.ស.ស)សម្រាប់ប្រើប្រាស់សេវាថែទាំសុខភាពដោយឥតគិតថ្លៃ ព្រមទាំងបញ្ហាប្រឈម សំណូមពរនានារបស់មូលដ្ឋាន ដើម្បីនាំយកបញ្ហាទាំងនេះជម្រាបជូនគណៈកម្មាធិការអចិន្ត្រៃយ៍ព្រឹទ្ធសភា ដើម្បីធ្វើអន្តរាគមន៍ទៅក្រសួងពាក់ព័ន្ធដើម្បីចាត់វិធានការចូលរួមដោះស្រាយឱ្យបានទាន់ពេលវេលា ប្រកបដោយប្រសិទ្ធភាព។
អង្គពិធីប្រព្រឹត្តទៅនារសៀលថ្ងៃពុធ ទី១២ ខែមីនា ឆ្នាំ២០២៥ ដោយមានអ្នកចូលរួមសរុបចំនួន១១៥នាក់ នៅសាលាក្រុងតាខ្មៅ ខេត្តកណ្តាល…។
ប្រភព៖ នាយកដ្ឋានព័ត៌មាន
