នៅព្រឹកថ្ងៃទី១៧ ខែកុម្ភៈ ឆ្នាំ២០២១ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ បានអញ្ជើញជួបជាមួយព្រះសង្ឃ គណៈកម្មការសាងសង់សាលារៀន លោកនាយកសាលាបឋមសិក្សា និងអនុវិទ្យាល័យក្របីរៀល ស្ថិតក្នុងសង្កាត់ក្របីរៀល ក្រុងសៀមរាប ខេត្តសៀមរាប ដើម្បីពិភាក្សារកថ្ងៃគ្រោងរៀចំពិធីសម្ពោធ ឆ្លងអាគារសិក្សា មួយខ្នងមាន១០បន្ទប់ ដែលបានសាងសង់រួចរាល់ជាស្ថាពរ ដោយសំរេចយកក្នុងខែ៥ ឆ្នាំ២០២១ ខាងមុខនេះ។ នាឱកាសនោះ ឯកឧត្តម បានឧបត្ថម្ភថវិកា ចំនួន១.២០០ដុល្លារUS សម្រាប់ទិញសម្ភារៈសិក្សារួមមាន ៖មានតុ កៅអី ក្តារខៀន កង្ហារ សំរាប់មួយបន្ទប់ និងម៉ាស់ ចំនួន៥០០ម៉ាស់ ផងដែរ។