ឯកឧត្តម អ៊ុំ សារឹទ្ធ អញ្ជើញប្រគល់អំណោយរបស់សម្តេចប្រធានព្រឹទ្ធសភា និងលោកជំទាវ ជូន សមាគមចលនាវប្បធម៌ជាតិ ដើម្បីកុមារកំព្រា កុមារក្រីក្រ
=======
នាព្រឹកថ្ងៃទី១៧ ខែឧសភា ឆ្នាំ២០២១ នៅវិមានព្រឹទ្ធសភា ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានអញ្ជើញប្រគល់អំណោយរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា និងលោកជំទាវ ជូនសមាគមចលនាវប្បធម៌ជាតិ ដើម្បីកុមារកំព្រា កុមារក្រីក្រ ដើម្បីជួយសម្រួលក្នុងជីវភាពរស់នៅប្រចាំថ្ងៃ ក្នុងអំឡុងពេលនៃការរាតត្បាតជំងឺកូវីដ១៩។
អំណោយដែលផ្តល់ជូននាឱកាសនោះរួមមាន៖ មី២០កេស ត្រីខកំប៉ុង ០២កេសធំ ទឹកត្រី១០យូរ ទឹកស៊ីអ៉ីវ១០យូរ អង្ករ៥០០គីឡូក្រាម និងថវិកា០១លានរៀល៕
