khmer eng
  • ឯកឧត្តម ឡៅ ឆន សមាជិកក្រុមសមាជិកព្រឹទ្ធសភា ប្រចាំភូមិភាគទី៤ បាន​អញ្ជើញ​ចូល​រួម​ប្រជុំ​ក្រោម​អធិបតី​ភាព​ឯកឧត្តម ទេសរដ្ឋមន្ត្រី គន់ គីម ដើម្បី​ស្តាប់​ការ​បូក​សរុប​លទ្ធផល​ការងារ​របស់​ខេត្ត​ឧត្តរ​មានជ័យ និង​ទិស​ដៅ​បន្ត
     
    ចែករំលែក ៖

    ស្ថិតនៅសាលប្រជុំសាលាខេត្តឧត្តរមានជ័យ នៅថ្ងៃទី២៣ ខែឧសភា ឆ្នាំ២០២១ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ បានអញ្ជើញចូលរួមប្រជុំក្រោមអធិបតីភាពឯកឧត្តម ទេសរដ្ឋមន្ត្រី គន់ គីម ដើម្បីស្តាប់ការបូកសរុបលទ្ធផលការងាររបស់ខេត្តឧត្តរមានជ័យ និងទិសដៅបន្ត ពិសេសការងារកសិកម្ម ការងារសន្តិសុខ ភូមិ ឃុំមានសុវត្តិភាព ការងារជំរុញធ្វើអត្តសញ្ញាណប័ណ្ណជូនប្រជាពលរដ្ឋដែលគ្រប់អាយុបោះឆ្នោត និងខិតខំបំផុសឱ្យរដ្ឋអំណាចគ្រប់ថ្នាក់ផ្សព្វផ្សាយណែនាំឱ្យប្រជាជនយើងត្រៀមទៅពិនិត្យឈ្មោះ និងចុះឈ្មោះបោះឆ្នោតនៅក្នុងខែតុលា ខាងមុខនេះ ឱ្យបានគ្រប់គ្នា ព្រោះនៅឆ្នាំ២០២២ខាងមុខនេះ នឹងមានការបោះឆ្នោត ជ្រើសរើសក្រុមប្រឹក្សាឃុំ សង្កាត់អាណត្តិទី៥ទូទាំងប្រទេស។ ឯកឧត្តម បានថ្លែងអំណរគុណ និងឯកភាពនូវលទ្ធផលដែលខេត្តខិតខំធ្វើបានយ៉ាងល្អប្រសើរ ហើយត្រូវបន្តកិច្ចការនេះឱ្យកាន់តែប្រសើថែមទៀត និងបានសំណូមពរដល់អាជ្ញាធរគ្រប់លំដាប់ថ្នាក់បន្តផ្សព្វផ្សាយជាប្រចាំជូនដល់បង ប្អូនប្រជាពលរដ្ឋក្នុងមូលដ្ឋាន នូវវិធានការណ៍នានារបស់ក្រសួងសុខាភិបាល និងគោរពតាមសម្តេចអគ្គមហាសេនាបតីតេជោ នាយករដ្ឋមន្ត្រីនូវវិធានការណ៍ ៣ការពារ និ៣កុំ ដែលជាវិធានការដ៏មានប្រសិទ្ធភាពក្នុងការការពារ និងទប់ស្កាត់កុំឱ្យឆ្លងជំងឺកូវិដ-១៩។


    អត្ថបទពាក់ព័ន្ធ
       អត្ថបទថ្មី
    thumbnail
     
    សារលិខិតអបអរសាទររបស់ ឯកឧត្តម គង់ សារាជ ប្រធានទី៩ ព្រឹទ្ធសភា ជូនឯកឧត្ដមកិត្តិនីតិ កោសលបណ្ឌិត អ៉ឹម ឈុនលឹម ប្រធានក្រុមប្រឹក្សាធម្មនុញ្ញ
    thumbnail
     
    ឯកឧត្តម អ៊ុំ សារឹទ្ធ ដឹកនាំកិច្ចប្រជុំពិនិត្យរបាយការណ៍សវនកម្មផ្ទៃក្នុងត្រីមាសទី១ ឆ្នាំ២០២២
    thumbnail
     
    សារលិខិតអបអរសាទររបស់ ឯកឧត្តមកិត្តិនីតិកោសលបណ្ឌិត ស៊ីម កា អនុប្រធានទី១ ព្រឹទ្ធសភា ជូនឯកឧត្ដមកិត្តិនីតិ កោសលបណ្ឌិត អ៉ឹម ឈុនលឹម ប្រធានក្រុមប្រឹក្សាធម្មនុញ្ញ
    thumbnail
     
    សារលិខិតអបអរសាទររបស់ ឯកឧត្តម កិត្តិសង្គហបណ្ឌិត ទេព ងន អនុប្រធានទី២ ព្រឹទ្ធសភា ជូនឯកឧត្ដមកិត្តិនីតិ កោសលបណ្ឌិត អ៉ឹម ឈុនលឹម ប្រធានក្រុមប្រឹក្សាធម្មនុញ្ញ
    thumbnail
     
    ឯកឧត្តម ជា ជេដ្ឋ ដឹកនាំកិច្ចប្រជុំលើគម្រោងថវិកាឆ្នាំ២០២៣របស់ព្រឹទ្ធសភា