នាព្រឹកថ្ងៃទី២៩ ខែឧសភា ឆ្នាំ២០២៦ ឯកឧត្តម ស្លេះ ពុនយ៉ាម៉ីន សមាជិកក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញសំណេះសំណាលជាមួយលោគ្រូ អ្នកគ្រូ បងប្អូនប្រជាការពារ និងក្រុមការងារសំឡេះគោ និងពពែ យកសាច់ចែកជូនប្រជាពលរដ្ឋក្នុងភូមិរកា សង្កាត់សំបួរមាស ក្រុងកំពង់ចាម ខេត្តកំពង់ចាម។
ក្នុងឱកាសសំណេះសំណាល ឯកឧត្តមបានសម្តែងការកោតសរសើរ និងថ្លែងអំណរគុណចំពោះបងប្អូនដែលបានខ្នះខ្នែងក្នុងការសម្របសម្រួលឱ្យកម្មវិធីប្រព្រឹត្តទៅប្រកបដោយភាពរលូន និងសប្បាយរីករាយ។ ទាំងនេះហើយគឺបញ្ជាក់ឱ្យឃើញថា ការសាមគ្គីគ្នា ការស្រឡាញ់គ្នា យកចិត្តទុកដាក់ចំពោះគ្នា អធ្យាស្រ័យគ្នា ជាកត្តានាំឱ្យសហគមន៍មានភាពរស់រវើក ស្រស់បំព្រង និងនាំមកនូវជ័យជម្នះបើទោះបីជាឋិតក្នុងកាលៈទេសៈណាក៏ដោយ។
បន្ទាប់ពីសម្តែងនូវការកោតសរសើរ និងអំណរគុណរួចមក ឯកឧត្តមក៏បានផ្តល់ជូននូវថវិកាដើម្បីជាការលើកចិត្តចំពោះបងប្អូនទាំងអស់រួមមាន៖ លោគ្រូ អ្នកគ្រូចំនួន២៣នាក់ ក្មុងម្នាក់ៗទទួលបានថវិកា ៥០.០០០រៀល បងប្អូនក្រុមការងារសំឡេះគោ និងពពែចំនួន៥៥នាក់ ក្នុងម្នាក់ទទួលបាន ៥០.០០០រៀល បងប្អូនក្រុមប្រជាការពារចំនួន១៣នាក់ ក្នុងម្នាក់ទទួលបាន ៥០.០០០រៀល សរុប ៤.៥៥០.០០០រៀល ។
ប្រភព៖ ជំនួយការឯកឧត្តម ស្លេះ ពុនយ៉ាម៉ីន
