សាលាសង្កាត់ទឹកល្អក់ទី២ នៅថ្ងៃសុក្រ ទី២៥ ខែមិថុនា ឆ្នាំ២០២១ វេលាម៉ោង១៥:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីប្រជុំពិនិត្យវឌ្ឍនភាពការដែលសម្រេចបាននាពេលកន្លងមក និងលើកផែនការអនុវត្តបន្ត។ ឯកឧត្តមបានកោតសរសើរដល់រដ្ឋអំណាចមូលដ្ឋានដែលបានខិតខំយកចិត្តទុកដាក់ ចូលរួមក្នុងយុទ្ធនាការចាក់វ៉ាក់សាំងទាំង២លើកជូនបងប្អូនប្រជាពលរដ្ឋបានស្របតាមផែនការណែនាំរបស់ក្រសួងសុខាភិបាល ហើយក៏បានរួមគ្នាពិនិត្យលទ្ធភាព ដើម្បីជួយដោះស្រាយការលំបាកខ្វះខាតជូនបងប្អូនប្រជាពលរដ្ឋមួយចំនួននៅក្នុងពេលកំពុងរួមគ្នាយ៉ាង មមាញឹកប្រយុទ្ធប្រឆាំងជាមួយជម្ងឺកូវីដ-១៩។