ឯកឧត្តមបណ្ឌិត ឈីវ យីស៊ាង នាយកខុទ្ទកាល័យសម្តេចតេជោ ប្រធានព្រឹទ្ធសភា បានជួបពិភាក្សាការងារជាមួយលោក Kensuke Watanabe អគ្គនាយករងក្រុមហ៊ុន Minebea Cambodia ដោយមានការចូលរួមពីសំណាក់ ឯកឧត្តម ទេសរដ្ឋមន្រ្តី ស្រ៊ី ថាមរុង្គ , ឯកឧត្តម យស សុខេមរៈ ប្រធានពិធីការ និង ឯកឧត្តម វី សាមឌី ពិធីការសម្តេចតេជោ ដើម្បីត្រៀមរៀបចំកម្មវិធីវាយកូនហ្គោលមិត្តភាព ដែលនឹងគ្រោងប្រព្រឹត្តទៅនៅក្នុងខែធ្នូ ឆ្នាំ២០២៦ ខាងមុខនេះ នាឱកាសនៃការប្រារព្ធខួបលើកទី១៥ ឆ្នាំនៃការវិនិយោគរបស់ក្រុមហ៊ុន Minebea នៅព្រះរាជាណាចក្រកម្ពុជា។ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានសម្រេចទទួលយក ការអញ្ជើញរបស់លោកអគ្គនាយក្រុមហ៊ុន Minebea Cambodia ក្នុងការចូលរួមក្នុងកម្មវិធីវាយកូនហ្គោលមិត្តភាពនេះ។
ជំនួបខាងលើនេះ ប្រព្រឹត្តទៅនៅបន្ទប់ប្រជុំ ខុទ្ទកាល័យសម្តេចតេជោ ប្រធានព្រឹទ្ធសភា វិមានសាមគ្គីភាព ព្រឹទ្ធសភា នាព្រឹកថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦។
ខ្លឹមសារ៖ ខុទ្ទកាល័យសម្តេចតេជោ ប្រធានព្រឹទ្ធសភា
រូបភាព៖ នាយកដ្ឋានព័ត៌មាន
