នារសៀលថ្ងៃទី២៥ ខែមីនា ឆ្នាំ២០២២ គណៈប្រតិភូក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ប្រធានក្រុម បានអញ្ជើញចូលថ្វាយបង្គំព្រះសង្ឃ ព្រមទាំងនាំយកនូវទេយ្យទាន ប្រគេនដល់វត្តភ្នំត្រែល ដែលរួមមានទេយ្យទាន៖ អង្ក៥០គីឡូក្រាម មី០១កេស ត្រីខកំប៉ុង០១យូរ ទឹកផ្លែឈើ០១កេស ទឹកត្រី០១យូរ ទឹកស៊ីអ៉ីវ០១យូរ ទឹកសុទ្ធ០១កេស ព្រមទាំងបច្ច័យមួយចំនួន និងជួបសំណេះសំណាលសាកសួរសុខទុក្ខបងប្អូនប្រជាពលរដ្ឋដែលមានជីវភាពក្រីក្រ ព្រមទាំងផ្តល់ជូននូវអំណោយដល់បងប្អូនទាំង១០គ្រួសារ ដោយក្នុងមួយគ្រួសារៗទទួលបានមី០១កេស ត្រីខកំប៉ុង០១យូរ ទឹកត្រី០១យូរ ទឹកស៊ីអ៉ីវ០១យូរ ក្រមា០១ និងថវិកាមួយចំនួនផងដែរ ដែលស្ថិតក្នុងភូមិភ្នំត្រែល ឃុំភ្នំកុង ស្រុកបន្ទាយមាស ខេត្តកំពត៕
