លោកជំទាវ ចឹក ហេង សមាជិកាប្រចាំភូមិភាគទី៨ ព្រឹទ្ធសភា បានចុះសំណេះសំណាល និងសួរសុខទុក្ខក្រុមប្រឹក្សាឃុំ ប៉ូលីសប៉ុស្តិ៍ និងស្មៀន នៅសាលាឃុំចំរើន លោកជំទាវបានណែនាំជំរុញដល់ក្រុមប្រឹក្សាឃុំ ប៉ូលីសប៉ុស្តិ៍ និងស្មៀន
![](https://senate.gov.kh/wp-content/uploads/2022/04/C8_2022-04-10-4.jpg)
នៅព្រឹកថ្ងៃសុក្រ ទី៨ ខែមេសា ឆ្នាំ២០២២ លោកជំទាវ ចឹក ហេង សមាជិកាប្រចាំភូមិភាគទី៨ ព្រឹទ្ធសភា បានចុះសំណេះសំណាល និងសួរសុខទុក្ខក្រុមប្រឹក្សាឃុំ ប៉ូលីសប៉ុស្តិ៍ និងស្មៀន នៅសាលាឃុំចំរើន លោកជំទាវបានណែនាំជំរុញដល់ក្រុមប្រឹក្សាឃុំ ប៉ូលីសប៉ុស្តិ៍ និងស្មៀន ត្រូវយកចិត្តទុកដាក់អនុវត្តន៏នូវតួនាទី ភារកិច្ច និងការផ្តល់សេវាសាធារណៈជូនប្រជាពលរដ្ឋអោយទាន់ពេលវេលា និងត្រៀមលក្ខណៈសំរាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អណត្តិទី៥ នាពេលខាងមុខនេះ នឹងផ្សព្វផ្សាយអោយប្រជាពលរដ្ឋនាំគ្នាទៅចាក់វ៉ាក់សាំង ដូសមូលដ្ឋាន និងដូសជំរុញ និងត្រូវអនុវត្ត ៣កុំ ៣ការពារ និងបានពាំនាំការសាកសួរសុខទុក្ខពីសម្តេចប្រធានព្រឹទ្ធសភា ដល់សមាជិកសមាជិកា ក្រុមប្រឹក្សាឃុំសង្កាត់ទាំងអស់ នៅសាលាឃុំចំរើន ស្រុកសង្គមថ្មី ខេត្តព្រះវិហារ។ ក្នុងពិធីសំណេះសំណាលនោះលោកជំទាវបានឧបត្ថម្ភម៉ាស់ ២០០ម៉ាស់ និងឧបត្ថម្ភអ្នកចូលរួម ចំនួន១៤នាក់ ដោយម្នាក់ៗទទួលបានថវិកា១ចំនួន និងកន្ទេលបត់ចំនួន១៕