នារសៀលថ្ងៃទី១០ ខែមិថុនា ឆ្នាំ២០២២ ក្នុងនាមព្រឹទ្ធសភា ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានអញ្ជើញជួបសំណេះសំណាល និងសម្តែងនូវការគោរពដឹងគុណដ៏ជ្រាលជ្រៅចំពោះក្រុមគ្រូពេទ្យមកពីមន្ទីរពេទ្យកាល់ម៉ែល ដែលបានរៀបចំការចាក់ថ្នាំបង្ការជំងឺកូវីដ-១៩ (ដូសទី៥) ជូនដល់ថ្នាក់ដឹកនាំព្រឹទ្ធសភា ថ្នាក់ដឹកនាំក្រុមប្រឹក្សាធម្មនុញ្ញ សមាជិក សមាជិកាព្រឹទ្ធសភា មន្ត្រី បុគ្គលិក នៃអគ្គលេខាធិការដ្ឋានព្រឹទ្ធសភា (អ.ពស) ក្រុមប្រឹក្សាធម្មនុញ្ញ និងបុគ្គលិកវិមាន៧មករា សរុបចំនួន ១.៣៣២នាក់ ក្នុងរយៈពេល០២ថ្ងៃកន្លងទៅនេះ គឺចាក់ពីថ្ងៃទី០៩-១០ ខែមិថុនា ឆ្នាំ២០២២ នៅវិមានព្រឹទ្ធសភា ក្រោមយុទ្ធនាការចាក់ថ្នាំបង្ការជំងឺកូវីដ-១៩ តាមក្រសួង ស្ថាប័នរបស់រាជរដ្ឋាភិបាល។
ក្នុងឱកាសនោះ ឯកឧត្តម អ៊ុ សារឹទ្ធ បានប្រគល់វត្ថុអនុស្សាវរីយ៍ ព្រមទាំងឧបត្ថម្ភថវិកាមួយចំនួន ជាការលើកទឹកចិត្តដល់ក្រុមគ្រូពេទ្យ។

ប្រភព៖ នាយកដ្ឋានព័ត៌មាន