នាព្រឹកថ្ងៃទី២១ ខែមិថុនា ឆ្នាំ២០២២ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ភោធដាក់ឱ្យប្រើប្រាស់ អគាររដ្ឋបាលថ្មីចំនួន ០១ខ្នង កម្ពស់ ២ជាន់ មាន១៥បន្ទប់ ស្ថិតនៅក្នុងវិទ្យាល័យ ជា ស៊ីម ជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
អគាររដ្ឋបាលថ្មីមានបណ្តោយ ៤៩ម៉ែត្រ និងទទឹង ៩,៧ម៉ែត្រ ធ្វើអំពីឥដ្ឋប្រក់ក្បឿង ចាប់ផ្តើមសាងសង់នៅថ្ងៃទី០១ ខែវិច្ឆិកា ឆ្នាំ២០២០ បានបញ្ចប់សាងសង់នៅថ្ងៃទី៣០ ខែធ្នូ ឆ្នាំ២០២១ ដែលចំណាយអស់ថវិកាចំនួន ២៥ម៉ឺនដុល្លារអាមេរិក ដែលជាអំណោយរបស់លោកឧកញ៉ា លៀង ផន និងលោកជំទាវ ឈឹម ណារី ៕
ប្រភព៖នាយកដ្ឋានព័ត៌មាន
