គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) ដឹកនាំដោយលោកជំទាវ មាន សំអាន ប្រធានគណៈកម្មការ និងជាអនុប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីចែកចាយចង្ក្រានសន្សំសំចៃថាមពល និងធុងចម្រោះទឹកស្អាតជូន ប្រជាពលរដ្ឋក្នុងស្រុកបាភ្នំ ខេត្តព្រៃវែង ដោយមានការអញ្ជើញចូលរួមពីអភិបាលរងខេត្ត ប្រធានសមាគមនារីខេត្ត ប្រធានមន្ទីរកិច្ចការនារីខេត្ត សមាជិកគណៈកម្មការសាខាសមាគមនារីខេត្តព្រៃវែង និងប្រជាពលរដ្ឋស្រុកបាភ្នំ សរុបចំនួន៦៥០នាក់ នាព្រឹកថ្ងៃព្រហស្បតិ៍ ទី២៥ ខែកក្កដា ឆ្នាំ២០២៤។ សមាគមនារីកម្ពុជា ដើម្បីសន្តិភាព និងអភិវឌ្ឍន៍ និងក្រុមហ៊ុន SIPCO បានឧបត្ថម្ភចង្ក្រានចំនួន ៥.៧៥៦គ្រឿង និងធុងចម្រោះទឹកស្អាតសរុបចំនួន ១.៣១៥គ្រឿង សម្រាប់ចែកជូនដល់ប្រជាពលរដ្ឋចំនួន០៩ឃុំ នៅក្នុងស្រុកបាភ្នំ ខេត្តព្រៃវែង…។
ប្រភព៖ នាយកដ្ឋានព័ត៌មាន
