ក្នុងឱកាសអបអរសាទរ «ទិវាមនុស្សចាស់កម្ពុជា និងទិវាមនុស្សចាស់អន្ដរជាតិលើកទី២៦» ១តុលា ឆ្នាំ២០២៤ អគ្គលេខាធិការដ្ឋានព្រឹទ្ធសភា បានរៀបចំពិធីសំណេះសំណាសជាមួយនិវត្តជន និងមន្ត្រីរាជការវ័យចំណាស់ ក្រោមអធិបតីភាពឯកឧត្តម ឡាយ សំកុល អគ្គលេខាធិការព្រឹទ្ធសភា នៅភោជនីយដ្ឋានទន្លេបាសាក់២ រាជធានីភ្នំពេញ នាព្រឹកថ្ងៃព្រហស្បតិ៍ ទី១០ ខែតុលា ឆ្នាំ២០២៤។
ក្នុងឱកាសដ៏សែនសោមនស្សរីករាយនេះ ឯកឧត្តមអគ្គលេខាធិការព្រឹទ្ធសភា បាននាំយកថវិកាឧបត្ថម្ភរបស់សម្តេចតេជោប្រធានព្រឹទ្ធសភា និងសម្តេចគិតិព្រឹទ្ធបណ្ឌិត ជូនលោកពូ អ្នកមីង បងៗជានិវត្តន៍ជនចំនួន ៨៦នាក់ ក្នុងម្នាក់ៗចំនួន ១៥ម៉ឺនរៀល និងមន្រ្តីរាជការវ័យចំណាស់ចំនួន ៧៦នាក់ ក្នុងម្នាក់ៗចំនួន ១០ម៉ឺនរៀល ព្រមទាំងវត្ថុអនុស្សាវរីយជាសៀវភៅនិទានុលេខ៍មួយក្បាល និងបំពង់ទឹកក្តៅចំនួនមួយ។
បន្ទាប់មក ថ្នាក់ដឹកនាំអគ្គលេខាធិការដ្ឋានព្រឹទ្ធសភា និវត្តន៍ជន និងមន្រ្តីវ័យចំណាស់ បានអញ្ជើញចូលរួមពិសារអាហារសាមគ្គីជាមួយគ្នា ប្រកបដោយបរិយាកាសសប្បាយរីករាយ និងស្និទ្ធស្នាលបំផុត៕
ប្រភព៖ នាយកដ្ឋានព័ត៌មាន
