នៅព្រឹកថ្ងៃទី២៧ ខែតុលា ឆ្នាំ២០២៤ សម្ដេចរាជបុត្រីព្រះអនុជ នរោត្តម អរុណរស្មី ឧត្តមប្រឹក្សាផ្ទាល់ព្រះមហាក្សត្រ និងជាសមាជិកាព្រឹទ្ធសភា បានយាងចូលរួមក្នុងកម្មវិធីបើក «ពិព័រណ៍ព្រះបរមឆាយាល័ក្ខណ៍» អបអរសាទរខួប២០ ព្រះវស្សានៃព្រះរាជពិធីគ្រងព្រះបរមរាជសម្បតិ្តរបស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដើម្បីសម្តែងនូវកតញ្ញុតាធម៌ គោរពដឹងគុណចំពោះគំរូវីរភាពដ៏ឧត្តុង្គឧត្តម និងព្រះរាជគុណូបការដ៏ខ្ពង់ខ្ពស់បំផុតរបស់ទ្រង់ ស្ថិតនៅបរិវេណសួនច្បារព្រះរាជបណ្តាំ ខាងមុខព្រះបរមរាជវាំង។
