នាព្រឹកថ្ងៃទី០៧ ខែមិថុនា ឆ្នាំ២០២៥
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអញ្ជើញសំណេះសំណាលជាមួយបងប្អូនសាសនិកឥស្លាមចំណុះវិហារជើមៀក ភូមិរកា ក្រុងកំពង់ចាម ខេត្តកំពង់ចាម ត្រូវនិងថ្ងៃបុណ្យហាជ្ជីនៃសាសនាឥស្លាម ។

ក្នុងប្រសាសន៍ដ៏មានអត្ថន័យ ឯកឧត្តមក៏បានបញ្ជាក់ថា ស្របពេលដែលយើងទាំងអស់គ្នាស្ថិតនៅទីនេះ
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីរបស់យើង ក៏បានផ្ញើសារចូលរួមអបអរសាទរ និងជូនពរដល់សាសនិកឥស្លាមយើងទាំងអស់ទាំងក្នុងប្រទេស និងក្រៅប្រទេស ។ ទាំងនេះហើយជាការបញ្ជាក់យ៉ាងច្បាស់ថារាជរដ្ឋាភិបាលកម្ពុជា មិនដែលភ្លេច មិនរើសអើង ថែមទាំងយកចិត្តទុកដាក់ដល់យើងទាំងអស់គ្នាមិនថាកាល:ទេស:ឬក្នុងតម្លៃណាក៏ដោយ ហើយនេះគឺជាការតបស្នងនូវការស្រឡាញ់ពេញចិត្ត ការជឿជាក់ របស់យើងដែលមានចំពោះសម្តេច និងរាជរដ្ឋាភិបាលផងដែរ ។

ជាទីបញ្ចប់ឯកឧត្តមបានបញ្ជាក់ថា តាមរយ:ឯកឧត្តម គឺបានរៀបចំនូវសត្វគោចំនួន១០៣ក្បាល និងសត្វពពែចំនួន៨០ក្បាល សម្រាប់សំឡេះយកសាច់ចែកជូនដល់បងប្អូនតាមប្រពៃណីនៃសាសនាឥស្លាម ដោយចំណាយអស់ថវិកាសរុបចំនួន៥៣,២០០ដុល្លា ។