ឯកឧត្តម ងី ច័ន្ទ្រផល ប្រធានគណៈកម្មការទី១ នៃព្រឹទ្ធសភា បានទទួលជួបជាមួយតំណាងប្រជាពលរដ្ឋ៤៤គ្រួសារ មកពីភូមិតំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ
នៅព្រឹកថ្ងៃទី៣០ ខែមិថុនា ឆ្នាំ២០២៥ វេលាម៉ោង១០:៣០នាទី នៅបន្ទប់ប្រជុំគណៈកម្មការទី១ នៃព្រឹទ្ធសភា ឯកឧត្តម ងី ច័ន្ទ្រផល ប្រធានគណៈកម្មការទី១ នៃព្រឹទ្ធសភា បានទទួលជួបជាមួយតំណាងប្រជាពលរដ្ឋ៤៤គ្រួសារ មកពីភូមិតំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ដែលអញ្ជើមកថ្លែងអំណរគុណចំពោះសម្តេចតេជោ ប្រធានព្រឹទ្ធសភា ដែលបានជួយអន្តរាគមន៍ទៅក្រសួងរៀបចំដែនដី នគរូបនីយកម្ម និងសំណង់ ដោះស្រាយ បណ្តឹងរបស់ពួកគាត់ទទួលបានជោគជ័យ ដោយប្រជាពលរដ្ឋនឹងទទួលប័ណ្ណកម្មសិទ្ធិដីធ្លីនាពេលខាងមុខ។
ក្នុងឱកាសនោះ ឯកឧត្តមប្រធាន បានមានមតិអប់អរសាទរ ចំពោះតំណាងប្រជាពលរដ្ឋ និងអគុណចំពោះ ក្រសួងរៀបចំដែនដី នគរូបនីយកម្ម និងសំណង់ ដែលបានយកចិត្តទុកដាក់ ដោះស្រាយបញ្ហារបស់ប្រជាពលរដ្ឋ តាមរយៈលិខិតរបស់ព្រឹទ្ធសភា។
