នារសៀលថ្ងៃទី២៣ ខែកក្កដា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ បានដឹកនាំកិច្ចប្រជុំជាមួយក្រុមសមាជិកព្រឹទ្ធសភាប្រចាំភូមិភាគទី១ ដើម្បីរៀបចំក្រុមដឹកនាំក្រុមគ្រូពេទ្យស្ម័គ្រចិត្តពិនិត្យជំងឺជូនប្រជាពលរដ្ឋ និងរៀបចំកិច្ចសំណេះសំណាល ព្រមទាំងវេទិកាជាមួយអង្គបោះឆ្នោត។
ឯកឧត្តមបណ្ឌិត បានលើកទឹកចិត្តឱ្យក្រុមភូមិភាគទី១ បន្តខិតខំប្រឹងប្រែងបំពេញការងារនិងអនុវត្តតាមប្រសាសន៍ណែនាំដ៏ខ្ពង់ខ្ពស់របស់ សម្តេចតេជោ ប្រធានព្រឹទ្ធសភា ក្នុងការប្រាស្រ័យទាក់ទងឱ្យកាន់តែជិតស្និទ្ធ ជាមួយអង្គបោះឆ្នោត។
កិច្ចប្រជុំប្រព្រឹត្តទៅនៅសាលប្រជុំពិសេស៣ វិមានព្រឹទ្ធសភា។
ខ្លឹមសារ៖ ខុទ្ទកាល័យអនុប្រធានទី២ព្រឹទ្ធសភា
រូបភាព៖ នាយកដ្ឋានព័ត៌មាន
