នាព្រឹកថ្ងៃទី១៣ ខែកញ្ញា ឆ្នាំ២០២៥ ឯកឧត្តមបណ្ឌិត សន ពៅ និង លោក រស់ សុភាវុធ នាយករង, លោក មាន សុដារ៉ា ជំនួយការ តំណាងដ៏ខ្ពង់ខ្ពស់របស់ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា ព្រមទាំងចៅសង្កាត់បាក់ខែង និងមេភូមិចំបក់មាស រួមទាំងពុទ្ធបរិស័ទ បានអញ្ជើញចូលរួមពិធីបុណ្យកាន់បិណ្ឌវេនទី៦ នៅវត្តសុវណ្ណបទុម(ចំបក់មាស) និងវត្តសូរិយាពោធិមាស (វត្តក្តីចាស់) ស្ថិតក្នុងសង្កាត់បាក់ខែ ខណ្ឌជ្រោយចង្វារ រាជធានីភ្នំពេញ ដើម្បីឧទ្ទិសកុសលផលបុណ្យជូនដល់ញាតិ៧សន្តាន បុព្វការីជន និងវីរកងទ័ពដែលបានពលីជីវិតក្នុងបុព្វហេតុបម្រើជាតិមាតុភូមិ។
ក្នុងឱកាសនោះ ឯកឧត្តមបណ្ឌិត បាននាំយកទេយ្យទាន និងបច្ច័យរបស់ឯកឧត្តមបណ្ឌិតអនុប្រធានទី២ព្រឹទ្ធសភា សម្រាប់វត្តទាំងពីរ។
ខ្លឹមសារ៖ ខុទ្ទកាល័យឯកឧត្តមបណ្ឌិតអនុប្រធានទី២ព្រឹទ្ធសភា។
