នាព្រឹកថ្ងៃទី១៦ ខែកញ្ញា ឆ្នាំ២០២៥ ឯកឧត្តម គិន ណែត លេខាធិការក្រុមសមាជិកព្រឹទ្ធសភាប្រចាំភូមិភាគទី៥ និងលោកជំទាវ រួមជាមួយ លោកជំទាវ នូ សុវណ្ណនី សមាជិការដ្ឋសភា និងឯកឧត្តម ទឹម សុន ព្រមទាំងក្រុមគ្រួសារ បានអមដំណើរ លោកជំទាវ និន សាផុន ប្រធានគណៈកម្មការទី៩រដ្ឋសភា អញ្ជើញចូលរួមកាន់បិណ្ឌ វេនទី៩ នៃពិធីបុណ្យភ្ជុំបិណ្ឌប្រពៃណីខ្មែរ នៅវត្តកោះអណ្តែត ស្ថិតក្នុងឃុំរមេញ ស្រុកកោះអណ្តែត ខេត្តតាកែវ ដើម្បីនាំយកនូវទេយ្យទាន ជាគ្រឿងឧបភោគបរិភោគនិងបច្ច័យប្រគេនព្រះសង្ឃ ព្រមទាំងរាប់បាត្របង្សុកូលទៅតាមគន្លងប្រពៃណីព្រះពុទ្ធសាសនា និងទំនៀមទម្លាប់ខ្មែរពីបុរាណ ដើម្បីឧទ្ទិសមគ្គផល និងកុសលផលបុណ្យជូនដល់ដួងវិញ្ញាណក្ខន្ធបុព្វការីជន មាតាបិតាជីដូនជីតា ញាតកាទាំង៧សន្តាន និងវីរកងទ័ពកម្ពុជាដែលបានពលី ក្នុងបុព្វហេតុការពារបូរណភាពទឹកដីរបស់យើង ដែលបានធ្វើមរណកាលទៅកាន់លោកខាងមុខ។ ក្នុងពិធីនេះក៏មានការអញ្ជើញចូលរួមពីលោកប្រធានក្រុមប្រឹក្សាស្រុក លោក លោកស្រីមន្ត្រីរាជការស្រុក អាជ្ញាធរមូលដ្ឋានឃុំ ភូមិ លោកគ្រូ អ្នកគ្រូ និងពុទ្ធបរិស័ទជិតឆ្ងាយទាំងអស់ផងដែរ។

ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥