នាថ្ងៃអង្គារ ទី១៦ ខែមិថុនា ឆ្នាំ២០២៦ វេលាម៉ោង ១៤:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី១ បានរួមជាមួយសាខាកាកបាទក្រហមខណ្ឌទួលគោក យុវជន ស.ស.យ.ក, អ.ម.ត និងក្រុមប្រឹក្សាសង្កាត់បឹងសាឡាង សង្កាត់ទឹកល្អក់ទី៣ សង្កាត់ផ្សារដើមគ ចុះជួបសួរសុខទុក្ខផ្ទាល់ជាមួយក្រុមគ្រួសារបងប្អូនវីរកងទ័ពជួរមុខចំនួន១១គ្រួសារ ព្រមទាំងបានរួមសហការគ្នាជួយឧបត្ថម្ភអង្ករ ឧបភោគបរិភោគ កន្សែងពោះគោ និងថវិកាមួយចំនួន។
ក្នុងឱកាសនោះ ឯកឧត្តមក៏បានឆ្លៀតផ្សព្វផ្សាយពត៌មានដ៏មានសារៈសំខាន់ អំពីឱកាសការងារចំពោះមុខជូនដល់ក្រុមគ្រួសារនីមួយៗ និងបានសំណូមពរបងប្អូនកូនក្មួយបន្តធ្វើទំនាក់ទំនងទៅប្រព័ន្ធទូរស័ព្ទលេខ១២៩៧ ដើម្បីទៅចូលរួមក្នុងវគ្គបណ្តុះបណ្តាលមុខជំនាញឯកទេសរបស់ក្រសួងការងារ (TVET 1,5M) ដែលជាឱកាសមាសដ៏មានអត្ថប្រយោជន៍យ៉ាងមហាសាល សំដៅធានាបានការងារជំនាញធ្វើ បង្កើនបានប្រាក់ចំណូលបន្ថែមទៀតសម្រាប់ជីវភាពរស់នៅទាំងនាបច្ចុប្បន្ន និងអនាគតជូនក្រុមគ្រួសារ និងសង្គមជាតិបានកាន់តែល្អប្រសើរឡើងថែមទៀត។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
សម្រួលខ្លឹមសារ៖ នាយកដ្ឋានព័ត៌មាន
