នារាត្រីថ្ងៃទី១៤ ខែឧសភា ឆ្នាំ២០២២ នៅសាលប្រជុំពិសេស៣ វិមានព្រឹទ្ធសភា ក្រុមសភាជាតិកម្ពុជាAPF ដឹកនាំដោយឯកឧត្តម សុខ ឥសាន ប្រធានគណៈកម្មការទី៤ព្រឹទ្ធសភា និងជាប្រធានគណៈកម្មការនយោបាយនៃក្រុមសភាជាតិកម្ពុជាAPF (Assemblee Parlementaire de la Francophonie) បានអញ្ជើញចូលរួមកិច្ចប្រជុំគណៈកម្មការនយោបាយនៃសភាប្រើភាសាបារាំង ក្រោមអធិបតីភាពឯកឧត្តម Christophe-André FRASSA ប្រធានគណៈកម្មការនយោបាយAPF តាមប្រព័ន្ធនិម្មិត ផ្សាយចេញពីខេត្តកេបិច ប្រទេសកាណាដា។ ក្នុងឱកាសចូលរួមនៃកិច្ចប្រជុំនេះ ឯកឧត្តម សុខ ឥសាន បានឡើងធ្វើបទអន្តរាគមន៍ស្តីពីស្ថានភាពនយោបាយបច្ចុប្បន្ននៅព្រះរាជាណាចក្រកម្ពុជា៕ ប្រភព៖ នាយកដ្ឋានព័ត៌មាន
