នាព្រឹកថ្ងៃទី២៤ ខែមិថុនា ឆ្នាំ២០២២ វេលាម៉ោង៩:០០នាទីព្រឹក លោកជំទាវ ឯកឧត្តម ប្រធាន អនុប្រធាន លេខាធិការ សមាជិក សមាជិកានៃគណៈកម្មការជំនាញទាំង១០ របស់ព្រឹទ្ធសភា អញ្ជើញចូលរួមក្នុងពិធីបើកផ្លូវការនៃកិច្ចប្រជុំប្រចាំឆ្នាំលើកទី៥ នៃក្រុមប្រឹក្សាពិគ្រោះយោបល់អាយប៉ាស្តីពីគ្រឿងញៀន (The 5th AIPA Advisory Council on Dangerous Drug/The 5th AIPACODD) ក្រោមអធិបតីភាពដ៏ខ្ពង់ខ្ពស់ ឯកឧត្តម កិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា និងជាប្រធានក្រុមរដ្ឋសភាជាតិអាយប៉ា-កម្ពុជា ។ កិច្ចប្រជុំ AIPACODD លើកទី៥ រៀបចំឡើងដោយសភានៃព្រះរាជាណាចក្រកម្ពុជា តាមរយ:ប្រព័ន្ធនិម្មិត ក្រោមប្រធានបទ “ការដោះស្រាយកត្តាប្រឈមទាំងអស់គ្នាដើម្បីអាស៊ានគ្មានគ្រឿងញៀន“