khmer eng
  • លោកជំទាវ មាន សំអាន អញ្ជើញចូលរួមពិធីខួបលើកទី៥៥ ថ្ងៃបង្កើតទំនាក់ទំនងការទូតកម្ពុជា-វៀតណាម (១៩៦៧-២០២២)
     
    ចែករំលែក ៖

    នារសៀលថ្ងៃទី២៥ ខែកក្កដា ឆ្នាំ២០២២ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញចូលរួមជាកិត្តិយសក្នុងពិធីអបអរសាទរខួបលើកទី៥៥ ថ្ងៃបង្កើតទំនាក់ទំនងការទូតរវាងប្រទេសកម្ពុជា-វៀតណាម ក្រោមអធិបតីភាព លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជា និងលោកជំទាវ ហា ធីង៉ាសមាជិកគណៈកម្មាធិការកណ្តាលគណបក្សកុម្មុយនីស្ត និងជាសមាជិកសរដ្ឋសភា ជាប្រធានសហព័ន្ធនារីវៀតណាម នៅសណ្ឋាគារ HYATT REGENCY ស្ថិតក្នុងខណ្ឌដូនពេញ រាជធានីភ្នំពេញ។
    អង្គពិធីដំណើរការតាមកម្មវិធី៖
    ១-ការអញ្ជើញឡើងថ្លែងសុន្ទរថាស្វាគមន៍ពីលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជា អបអរសាទរខួបលើកទី៥៥ នៃទំនាក់ទំនងការទូតរវាងប្រទេសទាំងពីរកម្ពុជា-វៀតណាម។
    ២-ការឡើងថ្លែងសុន្ទរថារបស់លោកជំទាវ ហា ធីង៉ា ប្រធានសហព័ន្ធនារីវៀតណាម។
    ៣-លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមនារីកម្ពុជា ឡើងធ្វើរបាយការណ៍សង្ខេបស្តីពីការអនុវត្តកិច្ចព្រមព្រៀង សហប្រតិបត្តិការ រវាងសមាគមនារីកម្ពុជា និងសហព័ន្ធនារីវៀតណាម ដំណាក់កាល ២០១៧-២០២២។
    ៤-អានរបាយការណ៍បន្តនៃការអនុវត្តទិសដៅកិច្ចសហប្រតិបត្តិការ ដំណាក់កាល ២០២២-២០២៧ ដោយលោកជំទាវ ត្រាន ឡានហ្វឿង អនុប្រធានសហព័ន្ធនារីវៀតណាម។
    ៥-ការចុះហត្ថលេខាលើកិច្ចព្រមព្រៀងសហប្រតិបត្តិការរវាងសមាគមនារីកម្ពុជា និងសហព័ន្ធនារីវៀតណាម សម្រាប់រយៈពេល២០២២-២០២៧។
    ៦-ការចុះកិច្ចព្រមព្រៀងសហប្រតិបត្តិការរវាងសាខាសមាគមនារីកម្ពុជាខត្តមណ្ឌលគិរី ជាមួយសហព័ន្ធនារីវៀតណាមខេត្តដាក់ឡាក់ តំណាក់កាល ២០២២-២០២៧។

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    គណៈប្រតិភូគណៈកម្មការទី១ព្រឹទ្ធសភា អញ្ជើញជួបសំណេះសំណាលជាមួយ អាជ្ញាធរស្រុកអូរយ៉ាដាវ និងប្រជាពលរដ្ឋរស់នៅជាប់ព្រំដែន
    thumbnail
     
    ឯកឧត្តម គិន ណែត អញ្ជើញចូលរួមក្នុងពិធីកាន់បិណ្ឌ (បិណ្ឌ១) នៅវត្តកោះអណ្ដែត ក្នុងឃុំរមេញ ស្រុកកោះអណ្ដែត ខេត្តតាកែវ
    thumbnail
     
    ក្រុមសមាជិកាព្រឹទ្ធសភា អញ្ជើញចូលរួមកាន់បិណ្ឌវេនទី១ នៅវត្តសុវណ្ណវារី
    thumbnail
     
    លោកជំទាវបណ្ឌិត ចាន់ សុទ្ធាវី ប្រធានគណៈកម្មការទី៦ ព្រឹទ្ធសភា បានអញ្ជើញរាប់បាត្រ និងវេរភត្តាហារ ប្រគេនដល់ព្រះសង្ឃ ក្នុងឱកាសពិធីបុណ្យកាន់បិណ្ឌវេនទី១
    thumbnail
     
    ឯកឧត្តមបណ្ឌិត ម៉ុង ឫទ្ធី និងឯកឧត្តម អ៊ុក គង់ បានអញ្ជើញចូលរួមថ្វាយនូវគ្រឿងសក្ការៈបូជាទៀន ធូប និងប្រារព្ធកិច្ច រៀបចំនមស្ការព្រះរតនត្រ័យ សមាទានសីល ក្នុងឱកាសពិធីបុណ្យកាន់បិណ្ឌវេនទី១