គេហទំព័រ ព្រឹទ្ធសភា នៃព្រះរាជាណាចក្រកម្ពុជា

សមាជិក សមាជិកាព្រឹទ្ធសភា អញ្ជើញចូលរួមក្នុងសម័យប្រជុំពេញអង្គលើកទី១ នៃមហាសន្និបាតអន្តរសភាអាស៊ានលើកទី៤៣

ចែករំលែក ៖

នារសៀលថ្ងៃទី២១ ខែវិច្ឆិកា ឆ្នាំ២០២២ លោកជំទាវ មានសំអាន ប្រធានគណៈកម្មការទី៨ ឯកឧត្តម ឈិត គឹមយាត ប្រធានស្តីទីគណៈកម្មការទី៥ និងឯកឧត្តម ប្រាក់ ចំរើន អនុប្រធានគណៈកម្មការទី៨ព្រឹទ្ធសភា បានអញ្ជើញចូលរួមក្នុងសម័យប្រជុំពេញអង្គលើកទី១ នៃមហាសន្និបាតអន្តរសភាអាស៊ានលើកទី៤៣ (ASEAN Inter-Parliamentary Assembly (AIPA) ក្រោមមូលបទ «បោះជំហានជាមួយគ្នា ដើម្បីចីរភាព បរិយាបន្ន និងភាពធន់របស់អាស៊ាន» ក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងជាប្រធានមហាសន្តិបាតអន្តរសភាអាស៊ានលើកទី៤៣ នៅសណ្ឋាគារសុខា រាជធានីភ្នំពេញ ដោយមានការអញ្ជើញចូលរួមពីថ្នាក់ដឹកនាំ សមាជិក សមាជិកាព្រឹទ្ធសភា រដ្ឋសភាបណ្តាប្រទេសសមាជិកអាយប៉ា និងគណៈប្រតិភូ ព្រមទាំងប្រទេសអ្នកសង្កេតការណ៍ជាច្រើនរូប។
សម័យប្រជុំពេញអង្គលើកទី១នេះ ប្រព្រឹត្តទៅដោយមានរបៀបវារៈគឺ៖
១-ប្រកាសតែងតាំងអនុប្រធានមហាសន្និបាតអាយប៉ាលើកទី៤៣។
២-ការឧទ្ទេសនាគណៈប្រតិភា។
៣-ការពិនិត្យ និងអនុម័ត កម្មវិធីសកម្មភាពសម្រាប់មហាសន្និបាតអាយប៉ាលើកទី៤៣ របៀបវារៈសម្រាប់មហាសន្និបាតលើកទី៤៣ និងសមាភាពគណៈប្រតិភូចូលរួមកិច្ចស្រ្តី សភាវ័យក្មេក និងគណៈកម្មាធិការនានាមហាសន្និបាតអាយប៉ាលើកទី៤៣។
៤-សេចក្តីថ្លែងការណ៍របស់ប្រធានគណៈប្រតិភូសមាជិកអាយប៉ា។
៥-សេចក្តីថ្លែងការណ៍របស់អគ្គលេខាធិការរងអាស៊ាន។
៦-សេចក្តីថ្លែងការរបស់អគ្គលេខាធិការអាយប៉ា។
៧-សេចក្តីថ្លែងការណ៍របស់ប្រធានគណៈប្រតិភូសភាសង្កេតការណ៍។
៨-សេចក្តីថ្លែងការណ៍របស់ភ្ញៀវសភាកម្ពុជា និងស្ថាប័នដៃគូរបស់អាយប៉ា។
សូមជម្រាបថា មហាសន្និបាតអន្តរសភាអាស៊ានលើកទី៤៣ ដែលសភាកម្ពុជាធ្វើជាម្ចាស់ផ្ទះ ប្រព្រឹត្តទៅចាប់ពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២។
ប្រភព៖ នាយកដ្ឋានព័ត៌មាន

អត្ថបទពាក់ព័ន្ធ

អត្ថបទថ្មី

ក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចូលរួមពិធីសំណេះសំណាលជាមួយមន្ត្រីរាជការ កងកម្លាំងប្រដាប់អាវុធ និវត្តន៍ជន ក្នុងស្រុករុក្ខគិរី ខេត្តបាត់ដំបង សរុបចំនួន ១២០០ រូប

ឯកឧត្តម ប្រាក់ ចំរើន អនុប្រធានគណៈកម្មការទី៨ ព្រឹទ្ធសភា បានអញ្ជើញចូលរួមជាកិត្តិយសក្នុងពិធីសំណេះសំណាលជាមួយបងប្អូនកម្មករនិយោជិត នៅក្នុងសួនឧស្សាហកម្មខេមតុន

ឯកឧត្តម សុខ ឥសាន ជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៦ បាននាំយកអំណោយរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា និងលោកជំទាវ ជាថ្នាំពេទ្យ ដែលជាជំនួយរបស់មូលនិធិចែករំលែកសង្រ្គោះជីវិតសកល

ឯកឧត្តម កិត្តិនីតលោសលបណ្ឌិត ម៉ុម ជឹមហ៊ុយ ផ្ញេីសារលិខិតចូលរួមរំលែកទុក្ខជូន ឯកឧត្តម ចាយ បូរិន អ្នកតំណាងរាស្រ្តខេត្តត្បូងឃ្មុំ និងលោកជំទាវ ព្រមទាំងក្រុមគ្រួសារ ចំពោះមរណភាពរបស់លោកតាព្រឹទ្ធាចារ្យ ចាយ ស៊ាងអ៉ី ដែលត្រូវជាឪពុកបង្កេីតរបស់ឯកឧត្តម

ឯកឧត្តម ឈើយ ចាន់ណា ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានរៀបចំកិច្ចប្រជុំ ស្ដីពីការជំរុញការអនុវត្តគម្រោងផលិតកម្មគ្រាប់ពូជស្រូវ នៃការនាំចេញអង្ករគុណភាពល្អនិងការបង្កើតសហគមន៍កសិកម្មក្នុងមូលដ្ឋាន