នាព្រឹកថ្ងៃទី១៥ ខែមេសា ឆ្នាំ២០២៤ គណៈប្រតិភូសមាគមនារីកម្ពុជា ដើម្បីសន្តិភាពនិងអភិវឌ្ឍន៍ ដឹកនាំដោយលោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគម ដោយមានការទទួលបដិសណ្ឋារកិច្ចស្វាគមន៍ពីលោក Tran Dang Vuong នាយកសាលា បានអញ្ជើញធ្វើទស្សនកិច្ចសិក្សាឈ្វេងយល់ និងចុះពិនិត្យមើលប្រព័ន្ធចំរោះទឹកស្អាត មានចំណុះចំនួន ២ ០០០លីត្រ ដែលអាចផ្គត់ផ្គង់នូវទឹកស្អាតបរិភោគ និងប្រើប្រាស់នៅក្នុងសាលារៀន សម្រាប់គ្រូបង្រៀនចំនួន ៥៩នាក់ និងសិស្សានុសិស្សចំនួន ៧២០នាក់ នៅបឋមសិក្សា Trường phổ thông dân tộc bán trú tiểu học xã Xá Nhè, huyện Tủa Chùa, tỉnh Điện Biên ស្ថិតក្នុងស្រុក Tua chua ក្នុងខេត្ត Dien Bien នៃសាធារណរដ្ឋសង្គមនិយមវៀតណាម។

គម្រោងនេះ ខាងភាគីនៃសាធារណរដ្ឋសង្គមនិយមវៀតណាម តាមរយៈសមាគមនារីកម្ពុជា ដើម្បីសន្តិភាពនិងអភិវឌ្ឍន៍ ក្រុមហ៊ុនស៊ីបកូ (SIPCO) នឹងផ្តល់ជាជំនួយសាងសង់ដោយឥតគិតថ្លៃជូនសាលារៀននៅក្នុងខេត្តកំពង់ឆ្នាំង ប្រទេសកម្ពុជា នាពេលខាងមុខ។