លោកជំទាវ មាន សំអាន អញ្ជើញគោរពវិញ្ញាណក្ខន្ធឯកឧត្តម ង្វៀន ហ្វូជុង
ោកជំទាវ មាន សំអាន ប្រធានគណៈកម្មការទី៨ព្រឹទ្ធសភា ប្រធានក្រុមមិត្តភាពកម្ពុជា វៀតណាម អនុប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញគោរពវិញ្ញាណក្ខន្ធឯកឧត្តម ង្វៀន ហ្វូជុង (Nguyen Phu Trong) អគ្គលេខាធិការគណៈកម្មាធិការមជ្ឈិមបក្សកុម្មុយនីស្តវៀតណាម នៅស្ថានទូតវៀតណាម ប្រចាំកម្ពុជា នាព្រឹកថ្ងៃទី២៦ ខែកក្កដា ឆ្នាំ២០២៤។
ក្នុងនាមសមាជិកាព្រឹទ្ធសភា នៃព្រះរាជាណាចក្រកម្ពុជា លោកជំទាវបានចូលរួមរំលែកទុក្ខដោយមនោសញ្ចេតនា ក្ដុកក្ដួលក្រៀមក្រំជាទីបំផុត ជាមួយនឹងរដ្ឋសភា និងប្រជាជនវៀតណាម ចំពោះមរណភាពរបស់ ឯកឧត្តម ង្វៀន ហ្វូជុង។
មរណភាពរបស់ ឯកឧត្តម ង្វៀន ហ្វូជុង គឺជាការបាត់បង់រដ្ឋបុរសដ៏ឆ្នើមមួយរូបដែលបានតស៊ូពេញមួយជីវិត ដើម្បីឯករាជ្យ សន្តិភាព និងវិបុលភាពសម្រាប់ប្រជាជនវៀតណាម៕
ប្រភព៖ នាយកដ្ឋានព័ត៌មាន
