khmer eng
  • សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា អញ្ជើញដឹកនាំការបើកសម័យប្រជុំលើកទី៨ព្រឹទ្ធសភា នីតិកាលទី៤
     
    ចែករំលែក ៖

    នាព្រឹកថ្ងៃព្រហស្បតិ៍ ទី០៦ ខែមករា ឆ្នាំ២០២២ វេលាម៉ោង៨:០០នាទី សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា អញ្ជើញដឹកនាំការបើកសម័យប្រជុំលើកទី៨ព្រឹទ្ធសភា នីតិកាលទី៤ ដោយមានសមាជិកព្រឹទ្ធសភាចូលរួមចំនួន ៥៨រូប។

    អង្គប្រជុំដំណើរការដោយមានរបៀបវារៈចំនួន ០៦ ដូចខាងក្រោម៖

    ១-ស្តាប់របាយការណ៍របស់គណៈកម្មាធិការអចិន្រ្តៃយ៍ ស្តីពីសកម្មភាពនិងលទ្ធផលការងាររបស់ព្រឹទ្ធសភា នៅចន្លោះសម័យប្រជុំលើកទី៧ និងលើកទី៨ ព្រឹទ្ធសភានីតិកាលទី៤។

    ២-ការប្រកាសទទួលស្គាល់សមាជិកព្រឹទ្ធសភាថ្មី នីតិកាលទី៤ ជំនួស លោកជំទាវ ឱ សុខុម ដែលបានទទួលមរណភាព។

    ៣-ការបោះឆ្នោតជ្រើសរើសបំពេញសមាជិកគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម ព្រឹទ្ធសភានីតិកាលទី៤។

    ៤-ពិនិត្យ និងឱ្យយោបល់លើសេចក្តីព្រាងច្បាប់ ស្តីពីវិសោធនកម្មច្បាប់ ស្តីពីសហគ្រាសពាណិជ្ជកម្ម ។

    ៥-ពិនិត្យ និងឱ្យយោបល់លើសេចក្តីព្រាងច្បាប់ ស្តីពីវិសោធនកម្មច្បាប់ ស្តីពីវិធានពាណិជ្ជកម្ម និងបញ្ជីពាណិជ្ជកម្ម ។

    ៦-ពិនិត្យ និងឱ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេរី រវាងរាជរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋកូរ៉េ ។

    បន្ទាប់ពីឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា ឡើងធ្វើសេចក្តីរាយការណ៍ជូនអង្គប្រជុំអំពីរបាយការណ៍របស់គណៈកម្មាធិការអចិន្រ្តៃយ៍ ស្តីពីសកម្មភាពនិងលទ្ធផលការងាររបស់ព្រឹទ្ធសភា នៅចន្លោះសម័យប្រជុំលើកទី៧ និងលើកទី៨ ព្រឹទ្ធសភានីតិកាលទី៤ និងការប្រកាសទទួលស្គាល់លោកជំទាវ ចឹក ហេង ជាសមាជិកាព្រឹទ្ធសភានីតិកាលទី៤ ជំនួសលើកជំទាវ ឱ សុខុម ដែលបានទទួលមរណៈភាពរួចមក អង្គប្រជុំព្រឹទ្ធសភាបានបោះឆ្នោតជ្រើសរើសឯកឧត្តម ញ៉ូវ សុង សមាជិកព្រឹទ្ធសភា ដើម្បីបំពេញសមាជិកគណៈកម្មការទី២ព្រឹទ្ធសភា ដោយទទួលបានសំឡេងគាំទ្រចំនួន ៥៨សំឡេង នៃចំនួនសមាជិកព្រឹទ្ធសភាទាំងមូល។

    ដោយឡែកក្នុងរបៀបវារៈទី៤ ទី៥ និងទី៦ អង្គប្រជុំព្រឹទ្ធសភាបានពិនិត្យ និងឱ្យយោបល់ឯកភាពទាំងស្រុងលើសេចក្តីព្រាងច្បាប់ទាំងមូល ដោយឥតកែប្រែចំនួន ៥៨សំឡេង នៃចំនួនសមាជិកព្រឹទ្ធសភាទាំងមូល៕


    អត្ថបទពាក់ព័ន្ធ
       អត្ថបទថ្មី
    thumbnail
     
    សមាជិកព្រឹទ្ធសភា បានអញ្ជើញចូលរួមដាក់កម្រងផ្កាគោរពវិញ្ញណក្ខន្ធ ចំពោះវីរយុទ្ធជន វីរយុទ្ធនារី និងប្រជាជនកម្ពុជា ពលីក្នុងរបបប្រល័យពូជសាសន៍ ប៉ុល ពត
    thumbnail
     
    ឯកឧត្តមបណ្ឌិត ចែម វីឌ្យ៉ា ដឹកនាំកិច្ចប្រជុំផ្ទៃក្នុងគណៈកម្មការទី៥ព្រឹទ្ធសភា
    thumbnail
     
    ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមក្នុងពិធីបុណ្យសពលោកជំទាវ សោម វណ្ណា ដែលត្រូវជាភរិយាឯកឧត្តម ភិន ឆាំ សមាជិកក្រុមប្រឹក្សាខេត្តស្វាយរៀង ដែលបានទទួលមរណភាព
    thumbnail
     
    ឯកឧត្តម ឈើយ ចាន់ណា លេខាធិការក្រុមសមាជិកព្រឹទ្ធសភា ប្រចាំភូមិភាគទី៤ មានរៀបចំពិធី ប្រកាសចូលកាន់តំណែងក្រុមប្រឹក្សាស្រុកស្វាយចេក អណត្តិទី៤
    thumbnail
     
    លោកជំទាវ មាន សំអាន ប្រធានក្រុមសមាជិកាព្រឹទ្ធសភា បានអញ្ជើញជាអធិបតីភាព ដឹកនាំកិច្ចប្រជុំពិភាក្សាការងារ នៅសាលប្រជុំគណៈកម្មការទី៨ព្រឹទ្ធសភា ដើម្បីពិនិត្យខ្លឹមសារត្រៀមចុះធ្វើពិធីសំណេះសំណាលជាមួយសមាជិកក្រុមប្រឹក្សាឃុំ សង្កាត់