នាព្រឹកថ្ងៃទី២៥ ខែកុម្ភៈ ឆ្នាំ២០២២ អគ្គលេខាធិការដ្ឋានព្រឹទ្ធសភា បានរៀបចំពិធីផ្សព្វផ្សាយ និងប្រគល់-ទទួលសៀវភៅចំនួន ៨មុខវិជ្ជា ជាភាសាខ្មែរ មានចំនួន ៤៨ក្បាល ពីមជ្ឈមណ្ឌលវប្បធម៌ចិន និងសមាគមអ្នកស្រាវជ្រាវវឌ្ឍនភាពកម្ពុជា-ចិន ក្រោមអធិបតីភាពឯកឧត្តម ឡោក ឆាយ អគ្គលេខាធិការស្តីទីព្រឹទ្ធសភា នៅសាលសិក្ខាសាលាបណ្ណាល័យព្រឹទ្ធសភា។
ក្នុងឱកាសនោះ លោកបណ្ឌិត ជា មុន្នីឬទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានធ្វើបទបង្ហាញដោយសង្ខេបអំពីសៀវភៅទាំង៨មុខវិជ្ជានោះ រួមមាន៖
១-អ្នកយុទ្ធសាស្ត្រវ័យក្មេងនៅអាស៊ី(ភាគ១)
២-ទឹកដី និងប្រពៃណីអ្នកស្រុកចេនឡា
៣-វប្បធម៌ចិន(សម្ភារប្រើប្រាស់ ជីវភាពប្រចាំថ្ងៃ)
៤-ទស្សនវិជ្ជាខុងជឺ
៥-ប្រវត្តិទំនាក់ទំនងកម្ពុជា-ចិន
៦-ប្រទេសចិនមានលោកប្រធាន ម៉ៅ សេទុង
៧-វប្បធម៌ចិន(អក្សរ និងគំនិត)
៨-សុខភាពល្អអាស្រ័យលើទម្លាប់។
ការផ្សព្វផ្សាយ និងប្រគល់ ទទួលសៀវភៅទាំងអស់នោះ ដើម្បីតម្កល់ទុកក្នុងបណ្ណាល័យព្រឹទ្ធសភា សម្រាប់ទុកជូនមន្ត្រីរាជការ និងសាធារណជន សិក្សាស្រាវជ្រាវ៕
