khmer eng
  • ឯកឧត្តម ឡៅ ឆន បានអញ្ជើញចូលរួមប្រជុំ ដើម្បីពិនិត្យ និងស្តាប់របាយការណ៍ផែនការទាំង១០ចំណុច ដែលបានដាក់ឱ្យខេត្តឧត្តរមានជ័យ
     
    ចែករំលែក ៖

    ស្ថិតនៅសាលប្រជុំភូមិគ្រឹះឯកឧត្តមទេសរដ្ឋមន្ត្រី គន់ គីម នាខេត្តឧត្តរមានជ័យ នៅថ្ងៃពុធ ទី៣០ ខែមីនា ឆ្នាំ២០២២ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមប្រជុំ ដើម្បីពិនិត្យ និងស្តាប់របាយការណ៍ផែនការទាំង១០ចំណុច ដែលបានដាក់ឱ្យខេត្តឧត្តរមានជ័យអនុវត្តក្នុងខែមីនា ឆ្នាំ២០២២ ក្រោមអធិបតីភាព ឯកឧត្តមទេសរដ្ឋមន្រ្តី គន់ គីម។ ថ្លែងក្នុងឱកាសនោះ ឯកឧត្តមទេសរដ្ឋមន្ត្រី បានបញ្ជាក់ថា ខេត្តអនុវត្តបាន៩ចំណុច នៅសល់ចំណុចទី១០ប៉ុណ្ណោះ ដូចនេះក្រុមប្រឹក្សាឃុំ សង្កាត់ ត្រូវអនុវត្តចំណុចទី១០ ដោយចុះជួបជាមួយប្រជាពលរដ្ឋ ដើម្បីស្តាប់សំណូមពរនានា យកចិត្តទុកដាក់ដោះស្រាយការលំបាក និងបញ្ហាប្រឈមដែលកើតមានឡើងក្នុងមូលដ្ឋានរបស់ខ្លួន និងត្រូវពង្រឹងការងារផ្តល់សេវាសាធារណៈ ការអនុវត្តគោលនយោបាយភូមិ ឃុំ មានសុវត្ថិភាព ពិសេសការងារសន្តិសុខ សណ្តាប់ធ្នាប់ ដើម្បីធានាបាននូវការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០២២ ដោយរលូន និងទទួលបានជ័យជំនះ។ បន្តក្រើនរំលឹកប្រជាពលរដ្ឋអនុវត្តន៍ឱ្យបានខ្ជាប់ខ្ជួននូវវិធានការសុខាភិបាល ជាពិសេសវិធានការ “ ៣-កាពារ និង៣-កុំ ” និងនាំគ្នាទៅទទួលការចាក់វ៉ាក់សាំងទាំងដូសមូលដ្ឋាន និងដូសជំរុញឱ្យបានគ្រប់ៗគ្នា។ ក្នុងពិធីខាងលើមនាការអញ្ជើញចូលរួមមានគណៈអភិបាលខេត្ត ក្រុមប្រឹក្សាខេត្ត អភិបាលស្រុក ក្រុមប្រឹក្សាស្រុកមេឃុំ និងចៅសង្កាត់ទាំង២៤ ទូទាំងខេត្តឧត្តរមានជ័យផងដែរ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ថ្នាក់ដឹកនាំ សមាជិក សមាជិកាព្រឹទ្ធសភាអញ្ជើញសូត្រមន្តកាន់បិណ្ឌវេនទី១៤នៅវត្តបទុមវត្តី
    thumbnail
     
    សារលិខិតរំលែកទុក្ខ របស់ គណៈកម្មការទី១០ព្រឹទ្ធសភា ជូនចំពោះលោកជំទាវ ឡាញ់ ដារ៉ា ព្រមទាំងក្រុមគ្រួសារ
    thumbnail
     
    សមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានចូលរូមក្នុងពិធី កាន់បិណ្ឌ និងសំណេះសំណាលចែកអំណោយជូនចាស់ជរាចំនួន៣២១នាក់ នៅវត្តហ្លូងសុីសុវត្ថិរតនារាម
    thumbnail
     
    ឯកឧត្តម ឡៅ ឆន និងលោកជំទាវ ព្រមទាំង បងប្អូនកូនចៅ បានកាន់វេនបិណ្ឌទី១៣ នៅវត្តឥន្ទ្រាសុខារាម ហៅវត្តគោកប៉ាទ្រី ស្តិតនៅ សង្កាត់ស្វាយដង្គំ ក្រុងសៀមរាប
    thumbnail
     
    ក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមក្នុងកិច្ចប្រជុំត្រួតពិនិត្យលទ្ធផលការងារសមាគមមូលនិធិមនុស្សចាស់ និងសំណេះសំណាលជាមួយមនុស្សវ័យចំណាស់ ខេត្តបន្ទាយមានជ័យ