នាព្រឹកថ្ងៃទី៥ ខែឧសភា ឆ្នាំ២០២២ អគ្គលេខាធិការធិដ្ឋានព្រឹទ្ធសភា និងស្ថានទូតហ្វីលីពីន បានរៀបចំពិធីបិទវគ្គ បណ្តុះបណ្តាលភាសាអង់គ្លេស សម្រាប់មន្ត្រីរាជការនៃអគ្គលេខាធិការដ្ឋានព្រឹទ្ធសភា ក្រោមអធិបតីភាពឯកឧត្តម ឡោក ឆាយ អគ្គលេខាធិការរងព្រឹទ្ធសភា និងលោកជំទាវ Maria Amelita C.Aquino ឯកអគ្គរដ្ឋទូតវិសាមញ្ញនិងពេញសមត្ថភាព នៃសាធារណៈរដ្ឋហ្វីលីពីនប្រចាំនៅព្រះរាជាណាចក្រកម្ពុជា នៅសាលសិក្ខាខាងជើង វិមានព្រឹទ្ធសភា។
វគ្គបណ្តុះបណ្តាលនេះ រៀបចំឡើងក្រោមកិច្ចសហការរៀបចំដោយ អគ្គលេខាធិការដ្ឋានព្រឹទ្ធសភា និងស្ថានទូតហ្វីលីពីនប្រចាំព្រះរាជាណាចក្រកម្ពុជា ដែលចាប់ផ្តើមនៅថ្ងៃទី៣០ ខែកុម្ភៈ ដល់ថ្ងៃទី៥ ខែឧសភា ឆ្នាំ២០២២ ចំនួន០១វគ្គ គឺវគ្គ “ភាសាអង់គ្លេសកម្រិត Intermediate” ឧទ្ទេសនាមដោយលោកសាស្ត្រាចារ្យ Teodoro Ariel Publico គ្រូបង្រៀនភាសាអង់គ្លេស មានសិក្ខាកាមចូលរួមចំនួន១៧នាក់ (ប្រុស០៦ នាក់ ស្រី១១នាក់) សិក្សាតាមប្រព័ន្ធនិម្មិត ។
ប្រភព៖ នាយកដ្ឋានព័ត៌មាន
