នាព្រឹកថ្ងៃទី១៥ ខែមិថុនា ឆ្នាំ២០២២ ព្រឹទ្ធសភាបានរៀបចំពីធីប្រគល់ឱសថ និងបរិក្ខារពេទ្យ ជូនដល់មន្ទីរពេទ្យមិត្តភាពខ្មែរ-សូវៀត មន្ទីរពេទ្យគន្ធបុប្ឆា(ភ្នំពេញ) និងក្រុមសមាជិកព្រឹទ្ធសភាប្រចាំភូមិភាគទាំង៨ ក្រុមសមាជិកាព្រឹទ្ធសភា ខុទ្ទកាល័យថ្នាក់ដឹកនាំព្រឹទ្ធសភា ព្រមទាំងអគ្គលេខាធិការដ្ឋានព្រឹទ្ធសភា។
ពិធីនេះប្រព្រឹត្តទៅ ក្រោមអធិបតីភាពឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា និងជាអ្នកនាំពាក្យព្រឹទ្ធសភា នៅសាលសិក្ខាសាលាបណ្ណាល័យព្រឹទ្ធសភា។
សូមរំលឹកថា ឱសថ និងបរិក្ខារពេទ្យដែលព្រឹទ្ធសភារៀបចំពិធីប្រគល់នាពេលនេះ គឺជាជំនួយរបស់មូលនិធិជួយសង្គ្រោះជីវិតសកល នៃសាធារណរដ្ឋកូរ៉េ ដែលបានប្រគល់ជូនព្រឹទ្ធសភាកាលពីពេលថ្មីៗ។
ប្រភព៖នាយកដ្ឋានព័ត៌មាន
