khmer eng
  • ក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចុះ ជួបសំណេះសំណាល និងសួរសុខទុក្ខក្រុមប្រឹក្សា ចំនួន៤៥នាក់ មកពីឃុំផ្អាវ ឃុំអូរស្វាយ និងឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ 
     
    ចែករំលែក ៖

    នៅថ្ងៃចន្ទ ទី៥ ខែកញ្ញា ឆ្នាំ២០២២ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចុះ ជួបសំណេះសំណាល និងសួរសុខទុក្ខក្រុមប្រឹក្សា ចំនួន៤៥នាក់ មកពីឃុំផ្អាវ ឃុំអូរស្វាយ និងឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ដើម្បីឈ្វេងយល់លើការងារផ្តល់សេវាជូនប្រជាពលរដ្ឋ ការធ្វើអត្តសញ្ញាណប័ណ្ណ អត្រានុកូលដ្ឋាន ភូមិ-ឃុំមានសុវត្ថិភាព ការចាក់វ៉ាក់សាំងការពារជំងឺកូវីដ-១៩ និងបញ្ហាផ្សេងៗ។ ក្រោយពីបានស្តាប់របាយការណ៍របស់ឃុំទាំង៣រួច ឯកឧត្តម បានសម្តែងការកោតសរសើរ ថ្លែងអំណរគុណ មានសាមគ្គីភាពគ្នាល្អ ដោយក្តីមោទនភាពដល់ប្រឹក្សាឃុំទាំង៣ ដែលអនុវត្តការងារទទួលបានលទ្ធផលល្អ ស្របតាមផែនការ និងតួនាទីភារកិច្ចរបស់ខ្លួន ដោយស្មារតីទទួលខុសត្រូវខ្ពស់។ ជាក់ស្តែងការងារផ្តល់សេវាសាធារណៈ ការងារភូមិ-ឃុំ មានសុវត្ថិភាព ពិសេសការជំរុញប្រជាពលរដ្ឋឱ្យទៅចាក់វ៉ាក់សាំងការពារជំងឺកូវីដ-១៩ ទាំងដូសមូលដ្ឋាន និងដូសជំរុញ ព្រមទាំងបន្តការខិតខំអនុវត្តនូវកិច្ចការទាំងនេះ ឱ្យបានកាន់តែល្អប្រសើរថែមទៀត ដើម្បីចូលរួមចំណែក្នុងការលើកស្ទួយជីវភាពរស់នៅប្រជាពលរដ្ឋ។
    សូមពរអង្គប្រជុំ
    ១-សូមជួយជម្រុញភូមិឧបសម្ព័ន្ធ ឱ្យបានចេញជាផ្លូវការឆាប់ៗ នាពេលខាងនេះ
    ២-សូមជួយជួសជុលផ្លូវមួយខ្សែ ដែលភ្ជាប់ទីរួមស្រុកត្រពាំងប្រាសាទ ទៅស្រុកស្វាយលើ ខេត្តសៀមរាប ដែលកំពុងរងការខូចខាតយ៉ាងខ្លាំង
    ៣-សូមជួយពិនិត្យសិក្សាលទ្ធភាព មណ្ឌល់សុខភាពឃុំត្រពាំងប្រាសាទ ទៅជាមន្ទីរពេទ្យបង្អែកស្រុក។ ក្នុងឱកាសនោះ ឯកឧត្តមបានឧបត្ថម្ភជូន មា្នក់ៗទទួលបានថវិកា២០.០០០រៀល ម៉ាស់ ០១ប្រអប់ និងសៀវភៅស្តីពី អំពើហិង្សាក្នុងគ្រួសារ ០១ក្បាលផងដែរ។


    អត្ថបទពាក់ព័ន្ធ
       អត្ថបទថ្មី
    thumbnail
     
    សម្តេចវិបុលសេនាភក្តី សាយ ឈុំ អញ្ជើញចូលរួមបុណ្យខួប ១០០ថ្ងៃ ឧទ្ទិសមហាកុសលជូនចំពោះដួងវិញ្ញាណក្ខន្ធមហាឧបាសិកាពុទ្ធសាសនូបត្ថម្ភក៍ យិប ថាំកេសន
    thumbnail
     
    សារលិខិតជូនពររបស់ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា គោរពជូន សម្តេចធម្មវិសុទ្ធវង្សា សៅ ទី ហេង សំរិន ក្នុងឱកាសចម្រើនជន្មាយុរបស់ សម្តេចធម្មវិសុទ្ធវង្សា
    thumbnail
     
    សារលិខិតជូនពររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ជូន ឯកឧត្តម កែ គឹមយ៉ាន ឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសចម្រើនជន្មាយុរបស់ ឯកឧត្តម
    thumbnail
     
    សារលិខិតជូនពររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា គោរពជូន សម្តេចធម្មវិសុទ្ធវង្សា សៅ ទី ហេង សំរិន ក្នុងឱកាសចម្រើនជន្មាយុរបស់ សម្តេចធម្មវិសុទ្ធវង្សា
    thumbnail
     
    លោកជំទាវកិត្តិនីតិកោសលបណ្ឌិត ទី បូរ៉ាស៊ី និងលោកជំទាវ ជា ច័ន្ទទេវី អញ្ជើញចូលរួមពិធីសម្ពោធដាក់ឱ្យប្រើប្រាស់ជាផ្លូវការអគារសិក្សានៅសាលាបឋមសិក្សាវាលនិន្ទ្រា